A comisión que este ano organizou os festexos patronais de San Cibrao na honra da Virxe do Carme, presidida por José Ramón Soto, con Pilar Armada como tesoureira e Dolores García como secretaria, quere facer público o seu agradecemento a todas as persoas e colectivos que “apoiaron e contribuíron dalgunha forma nestas festas”, tal e como manifesta o presidente. En concreto, Soto e toda a directiva queren dar as grazas aos veciños e veciñas “pola súa participación e boa acollida dos actos festivos, que preparamos en moi pouco tempo e con moita ilusión” así como tamén polas súas aportacións, tanto económicas como de axuda en diversas actividades como é o caso da confección da alfombra floral.
Ao mesmo tempo, a comisión tamén transmite os seus agradecementos a todas as empresas e comercios da zona que se anunciaron na revista das festas, “unhas achegas moi importantes que nos axudaron en moi boa medida a sufragar os gastos dos festexos” ao igual que o Concello, “que tamén colaborou activamente” así como á brigada de obras municipal.
Ademais, Soto quixo destacar tamén a colaboración de entidades e grupos que, de forma desinteresada, ofreceron espectáculos dentro do programa “co único obxectivo de contribuír nas festas”, como é o caso das corais Terramar, a Coral Polifónica de Viveiro, Coro Villa de Navia, o grupo Canere Son e as agrupacións de Teatro Ardora e O Bordelo, así como aos Aventados e ao seu presidente, Pablo Mosquera.
Unhas festas que polo tanto “saíron adiante coa unión dos esforzos de moitas persoas e colectivos, uns apoios que sempre son de agradecer e que enriquecen calquera iniciativa” remata Soto.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
