A Deputación esixirá á Xunta e ó Goberno Central o mantemento das liñas de axudas ós gandeiros para garantir a supervivencia das explotacións da provincia logo de que ditas administracións recortasen estes investimentos en case 600 millóns de euros. Concretamente, o Executivo estatal baixou este orzamento en 255 millóns no 2012 e 199 millóns este ano, mentres que a Xunta diminuíuno en 70 millóns en 2012 e en 50 millóns este ano.
Segundo explica o grupo de goberno na súa moción, o recorte destas subvencións traduciuse nun aumento espectacular das primas para servizos ós gandeiros, algúns tan necesarios como o de retirada de animais, que nalgunhas comunidades aumentou ata nun 600%.
Para o deputado Álvaro Santos por este motivo “os produtores cada vez son menos capaces de facer fronte á crise que atravesa o sector, e que aumentará proximamente debido a que a Consellería de Medio Rural tampouco convocou as axudas destinadas á mellora das explotacións, o que supón un grande atranco para todas aquelas granxas que se atopan en fase de modernización ou de ampliación”.
A moción do grupo provincial socialista se fai eco das protestas dos sindicatos agrarios, que consideran este retraso inxustificado e recordan que no ano 2012 se denegaron o 50% dos plans de mellora ademais de reducirse nun 10% o importe subvencionado. Por estes motivos as organizacións agrarias, tal e como recolle a moción, “consideran que a retirada das axudas suporá un novo lastre para as explotacións, xa que a través delas se animaba á incorporación da xente nova ó agro e a modernización e redución dos custos nas granxas.”
Considera o grupo provincial socialista que a Consellería de Medio rural non atende á súa responsabilidade ó aplicar novas medidas restritivas como o recorte no servizo de veterinario oficial. Segundo o texto que levarán ó pleno, dende o pasado mes de marzo, os facultativos dependentes do departamento Autonómico que exercían o seu traballo durante catro días á semana en dependencias cedidas polos concellos deixaron de acudir e de cubrir os devanditos servizos. Os socialistas denuncian o caso de A Pastoriza, con 538 explotacións e a maior produción láctea de España e onde os gandeiros vense na obriga de desprazarse ata Castro Ribeiras de Lea para realizar os trámites habituais. Para o grupo provincial socialista está inxustificada a retirada deste servizo, acción para a que a consellería alega falta de persoal.
Por estes motivos o grupo de goberno instará á Xunta de Galicia a manter o nivel de investimento nas explotacións gandeiras da provincia, a través das axudas da consellería de medio rural, para garantir a súa rendibilidade e paliar os custes de produción que teñen na actualidade. Na moción tamén se contempla a esixencia ó executivo autonómico de manter o servizo de veterinario oficial en todos os concellos da provincia e a que negocie co Goberno central e a Unión Europea novas políticas agrarias que permitan que Galicia deixe de ser a rexión co prezo do leite máis baixo da eurozona.
Situación crítica para as explotacións lucenses
Na mesma moción o grupo de goberno explica que a retirada das axudas ós gandeiros se suma ó baixo prezo do leite en orixe. Segundo a última campaña láctea, Galicia foi un dos territorios europeos onde se lles pagou menos ós gandeiros por este produto: uns 0,34 euros por litro de leite, cando o prezo medio no conxunto da UE se situou por riba dos 34 céntimos por litro.
Á marxe do problema dos prezos, a situación das explotacións lucenses agravouse aínda máis pola escalada dos custes de produción. As organizacións agrarias destacan que o penso subiu un 18%, o gasóleo 5 puntos porcentuais, o quilo de abono un 6,4% e a factura eléctrica un 11%.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
