Para crear mellores condicións de futuro para Galicia e os seus cidadáns e cidadás, necesitamos recuperar o noso autogoberno para defender o ben común.
A crise económica serve de gran coartada do programa recentralizador do Partido Popular. A hexemonía conservadora nas nosas institucións disolve Galicia como nación e espazo de decisión cidadá. O papel dos poderes públicos, como valedores democráticos do benestar, garantía de solidariedade comunitaria e da igualdade de oportunidades e de trato dos galegos e galegas, están gravemente ameazados polas contrarreformas ultraliberais do Goberno de Mariano Rajoy e polo abandono de responsabilidades que practica Núñez Feijóo na Xunta de Galicia.
O autogoberno galego cifra con Núñez Feijóo os investimentos máis ruíns en benestar e no mantemento dos servizos públicos básicos, e ao tempo santifica unha suicida política de carestía que cancela todo apoio ás iniciativas produtivas do noso país, mentres se agrava a recesión económica, se intensifica a destrución de postos de traballo e se derrama toda oportunidade para milleiros de galegos e galegas que se verán obrigados, coma noutrora, a procurar o seu benestar lonxe de Galicia.
Galicia empobrécese e a súa economía inicia un devalo ruinoso e o goberno do PPdeG
comprácese no abandono de responsabilidades e fai propaganda da solvencia de inútiles políticas de axuste. A teimuda realidade evidencia, no entanto, que Núñez Feijóo está a baleirar o noso autogoberno de toda substancia democrática e que, abeirado na súa maioría institucional, lonxe de crear condicións para a recuperación económica empeora as condicións de vida da mayoría dos galegos e galegas ao chapodar e depreciar os nosos servizos públicos.
Nunca a Xunta de Galicia foi máis allea ás preocupacións e problemas dos cidadáns e cidadás. Nunca representou menos os intereses do país. Nunca se desatendeu tanto do coidado dos nosos bens comúns, falemos da nosa lingua ou das nosas industrias e creadores culturais, da nosa paisaxe ou da xestión ecosocial dos nosos recursos naturais. Se pensamos en Galicia como comunidade de solidariedade e como espazo cidadá para o exercicio participativo das nosas liberdades, nunca o país e as demandas cidadás foron máis negadas polo seu goberno.
A maioría acadada polo PPdG nas pasadas eleccións autonómicas non o autoriza para desfacer as políticas do ben común e do autogoberno. O goberno Feijóo ten perdido o crédito electoral que acadou hai uns meses coas súas políticas contra a maioría social e polas sospeitas que o cernen ao calor dos novos datos de financiamento irregular das campañas electorais dos populares. O PP de Galicia ten gobernado nos últimos anos grazas a cometer fraudes electorais evidentes e faise necesaria a dimisión do goberno Feijóo.
E ademais todo isto nun proceso de cambio de ciclo político que fan necesario abordar un cambio constituínte no estado e un proceso de vertebración política dunha nova Europa.
Necesitamos un proceso constituínte no Estado e en Europa que se fundamente nun impulso democrático e social. Un proceso constituínte, sen tutelas, onde a cidadanía exerza a súa soberanía e sustentado sobre os piares da radicalidade democrática, republicanismo, transparencia, sustentabilidade, xustiza social, cultura de paz e plurinacionalidade.
Este 25 de Xullo adquire deste xeito unha nova dimensión o Dereito a Decidir, converténdose nunha ferramenta clave na defensa do Ben Común. A cidadanía temos dereito a decidilo todo: as relacións co Estado, a política fiscal, a política monetaria, o modelo enerxético, o dereito á saúde, a calidade do ensino, o dereito á vivenda, os dereitos sociais, a soberanía alimentar,… diso se trata o soberanismo cívico, do dereito a decidilo todo.
Requírense alianzas políticas e sociais amplas que permitan frear esta contraofensiva e cambiar o rumbo das cousas para avanzar na recuperación de dereitos e liberdades. Faise urxente crear as alianzas necesarias para vertebrar unha alternativa política e electoral ás actuais elites dominantes que actúan como intermediarias de poderes económicos oligopólicos que queren eliminar os dereitos das persoas traballadoras e a competencia dos sectores económicos emprendedores, as chamadas clases medias. Nese senso Alternativa Galega de Esquerda debe vertebrarse, ampliarse e consolidarse politicamente e a súa vez AGE debe participar en alianzas máis amplas e plurais a nivel europeo e de estado.
As mobilizacións cidadás sinalan sen equívocos o camiño a seguir. É tempo de sumar forzas para derrotar as políticas do Partido Popular, na rúa e nos centros de traballo e nas futuras confrontacións electorais antes de que sexa demasiado tarde. Son maioría os cidadáns e cidadás de Galicia que aspiran a contar con novas alternativas que os representen e fagan posibles políticas para a defensa do ben común e a recuperación do noso autogoberno para o benestar, a igualdade e unha democracia forte que asente as súas raíces na súa vontade soberana.
Espazo Ecosocialista convocará o mesmo 25 de xullo a partir das 14,30 horas un xantar de confraternización no Pazo de Meimixe (no lugar de Bran, perto de Sigueiro, a 10 minutos de Compostela).
Declaración de AGE
Ademais, AGE fará lectura do seu manifesto polo Día da Matria Galega diante da que foi a sede da editorial e imprenta Nós, na rúa do Vilar número 15 de Santiago de Compostela, o vindeiro mércores 24 de xullo ás 11:30 horas, ao que asistira membros de Espazo Ecosocialista xunto con outros representantes da coalición.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
