Espazo Ecosocialista está no proceso de elección e renovación dos seus equipos de coordinación comarcais.
Nos últimos días as asembleas de A Mariña, Ferrolterra, Pontevedra e Vigo elixiron os equipos de dirección comarcal que levarán adiante o traballo propositivo desta formación política da esquerda galega, verde e renovadora, que forma parte da coalición Alternativa Galega de Esquerda.
Este proceso de elección faise en pleno proceso de incorporación de novas persoas á organización e algunhas delas referentes políticos e sociais importantes na súa zona.
Así en Ferrolterra o equipo conformado por un membro de cada concello da comarca e estará coordenado conxuntamente por Lucia Vizoso, activista social de diferentes plataformas na zona da comarca coma a Plataforma pola Defensa da Sanidade Pública de Ferrol, Marcha Mundial das Mulleres e tamén directiva da Asociación Cultural pola rexeneración da esquerda ‘Fuco Buxán’, e por Bernardo Lorenzo, ex-concelleiro de promoción económica, emprego e turismo do concello de Ferrol durante o bipartito BNG-PSdG, referente da esquerda galega na comarca.
En Pontevedra o equipo comarcal esta conformado por 7 persoas e estará coordinado por Jose Antonio Ramírez, filólogo e mediador social, membro do Colectivo Encontro-Benestar Social, e por Ana González, persoal de servizos xerais do sergas.
En Vigo conformouse un equipo de 10 persoas encabezado por Manuel Hermo, funcionario local e activista do software libre, e por Modesta Regueira, mediadora e activista social e ex -membro da executiva provincial do PSdG-PSOE, como coordinador e coordinadora.
En A Mariña o equipo comarcal esta encabezado por Ivan Rodríguez, doutor en xeoloxía e consultor medioambiental, e Ica López, comerciante e activista social.
Este proceso de renovación e elección de equipos de dirección comarcal seguira facéndose no conxunto das comarcas de Galicia ata que en todas exista un equipo comarcal encabezado por unha co-coordinación paritaria, modelo que posteriormente quérese estender a nivel nacional.
Campaña de extensión. Conferencia política e II Asemblea Nacional
Ademais da consolidación e crecemento nas comarcas onde Espazo Ecosocialista xa ten presenza: A Mariña, Ferrolterra, A Coruña, Ourense-Lemos, Arousa, Pontevedra, Compostela e Vigo; durante os próximos meses vaise traballar para ter presenza en tres comarcas novas onde aínda non esta constituído o partido: Lugo, Morrazo e Barbanza.
Para iso Espazo elaborou un folleto de presentación argumentando na necesidade de construír un espazo novo e insistindo na necesidade que ten a esquerda de construír novos relatos, novas axendas e propostas progrmatica alternativas á vella política.
Este proceso de fortalecemento orgánico é previo á celebración en outubro da Conferencia Política de Espazo Ecosocialista que abrirá un proceso aberto de debate e reflexións para actualizar a proposta ecosocialista galega e que rematara en febreiro na II Asemblea Nacional desta formación política.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
