A VIII edición da Manifesta da Patria Galega desenvolveuse na xornada do domingo en Barreiros, na Fraga do Santo Estevo do Ermo. Durante todo o día, as persoas asistentes disfrutaron do xantar popular, cuxo prato central foi o bonito; da música tradicional e de boa compaña.
Antes de comezar o xantar, tiveron lugar as intervencións políticas de Belén Fernández, responsábel local do BNG; Ana Ermida, portavoz nacionalista en Barreiros e do deputado no Parlamento de Galiza por Lugo, Cosme Pombo.
Para os nacionalistas “o 25 de xullo é unha data fundamental no calendario das galegas e dos galegos e, este ano máis ca nunca, debe servir para amosar o rexeitamento das políticas que nos impoñen e arruínan ao noso País e á xente.”
O BNG animou aos barreirenses a “acudir á manifestación do vindeiro 25 de xullo en Compostela, para o que haberá autobuses desde A Mariña, e tamén a pendurar nas súas fiestras e balcóns a bandeira da Patria Galega como un símbolo de rebelión, de orgullo de galegos dispostos a loitar porque as mulleres e homes deste País poidan vivir dignamente, do seu traballo na nosa terra”, manifestaron os nacionalistas.
Cosme Pombo acompañou ás veciñas e veciños durante toda a xornada e dirixiuse a eles para recordarlles como “historicamente os inimigos da Galiza sempre quixeron vela decapitada, sen cabeza que puidera defendela dos continuos ataques e aldraxes aos que a someten.” Apoiou esta afirmación coa referencia ao Alba de Groria de Castelao, onde falaba de símbolos coma Prisciliano ou o Mariscal Pardo de Cela decapitados. O deputado nacionalista afirmou que “as galegas e galegos poden ter a seguridade de que non lograrán decapitar a Galiza, por moito que o intenten, mentres haxa mulleres e homes dispostas a loitar pola súa liberación man a man co Bloque Nacionalista Galego. Por iso o vindeiro 25 de xullo será unha xornada de loita pola liberdade, pola xustiza e polo dereito a ser galegas e galegos e exercer como tal sen complexos.”
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
