A Mariña, 6 de xullo de 2013. O Bloque Nacionalista Galego (BNG) da Mariña organizou, este sábado 6 de xullo, na súa sede de Foz, unha xornada dirixida a cargos orgánicos e institucionais do partido na que se fixo unha análise do anteproxecto de reforma da Administración Local proposto polo Goberno do Estado, o cal, segundo os nacionalistas supón “un auténtico asalto ao poder local e un novo roubo ao pobo, xa que pretende baleirar de competencias a meirande parte dos concellos, converténdoos en institucións inútiles para os veciños e veciñas, ao mesmo tempo que abre as portas a un gran ERE na Administración Local.”
Ana Ermida, responsábel comarcal do Bloque, asegurou que “a reforma da Lei de Administración Local vai na liña de moitas das políticas que está aprobando o Goberno central dirixidas a recentralizar e unificar o Estado, eliminado concellos e dando peso á provincia e ás deputacións, a pesar de ser estas organismos decimonómicos, de escasa utilidade e proclives ás prácticas caciquís polo que deberían ser suprimidas canto antes.”
Desde o BNG piden ao Goberno central que retire este anteproxecto e insisten en que de levarse adiante a reforma, Lugo sería unha das provincias máis afectadas do Estado en canto o texto proposto establece que os concellos con menos de 20.000 habitantes, que son todos os lucenses agás a capital da provincia, terían que deixar en mans da institución provincial servizos municipais que non cumpran os estándares de calidade que se establecerán mediante Real Decreto.
Fin da democracia representativa
Durante o acto, Ermida amosou, tamén, a súa preocupación porque esta reforma decretará a morte da democracia representativa. “Coa reforma que pretende aprobar o Goberno de Rajoy será indiferente a cor do partido no goberno municipal, alcalde e concelleiros terán nula capacidade de decisión; un informe dos servizos de intervención será suficiente para que os concellos non poidan implementar políticas sociais, políticas turísticas, de fomento do emprego ou mesmo iniciativas deportivas, retrasando a reactivación da economía.”
“O Partido Popular -continuou- pretende implantar deste xeito outra das premisas neoliberais: os gobernos de técnicos. Non podemos permitir que os populares segan a empregar a crise para impoñer a súa ideoloxía” – aseverou a responsábel do BNG na Mariña”
Informe do Consello de Estado
Para os nacionalistas o Goberno debe escoitar as recomendacións do Consello de Estado, do que forman parte figuras destacadas do Partido Popular, que advirte dos inconvenientes do anteproxecto de reforma da Administración Local do Goberno central e que en parte coinciden coas denuncias que o Bloque Nacionalista Galego leva feito desde que se coñeceron as súas liñas principais;. alerta da excesiva redución da autonomía local, que é un cheque en branco para quitar competencias aos concellos e dos perigos de traspasar competencias ás deputacións.
“Estamos -concluíu Ana Ermida- ante unha manobra do Partido Popular que non contenta nin aos seus propios membros. É precisa unha reforma da administración local pero non baixo estes principios. Galiza precisa dunha reforma da administración local que teña en conta as súas particularidades como país.”
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
