Lugo, 13 de xaneiro de 2013. O Vicepresidente da Deputación, Antonio Veiga, anunciou este luns que o organismo provincial procederá a presentar un recurso ante a xustiza ordinaria para impugnar a Resolución do 10 de setembro de 2013, da Dirección Xeral da Carteira Básica de Servizos do Sistema Nacional de Saúde e Farmacia que fixa o copago sanitario na medicación para doentes crónicos no caso de que a Xunta de Galiza non actúe conforme a como están facendo a practica totalidade das autonomías e, por conseguinte, paralice a entrada en vigor en Galiza do mesmo.
“A Xunta de Castela – León, que saibamos nós gobernada polo Partido Popular, xa formalizou un recurso na xurisdición contencioso administrativa a fin de anular este Decreto. O Consello de Estado, presidido por alguén pouco sospeitoso de falta de afinidade co presidente Feijoo e o Partido Popular como é o Sr. Romay Becaría, tamén informou desfavorabelmente sobre a legalidade do Decreto 212/2012, no que se fixaba o copago para o transporte médico non urxente ou para as próteses e que serve de fundamento para a resolución de setembro de 2013. Que non teña dúbida algunha o Partido Popular e o presidente Feijoo de que esta é a nosa decisión, tal como reclamou publicamente a Iniciativa Galega pola Gratuidade da Sanidade e nesta dirección agardamos que o resto das institucións galegas interpeladas por este colectivo social procedan a recorrer diante da xustiza ordinaria estes copagos”, afirmou Veiga.
O vicepresidente da Deputación indicou que “a Área de Benestar da Deputación de Lugo vai abrir unha liña de axudas en concorrencia competitiva á que poderán concorrer os Concellos de Lugo que asuman o copago e que ten como obxectivo cubrir os gastos daqueles doentes crónicos que agora se ven afectados por esta medida; unha medida que lle nega aos doentes o dereito máis básico como é o dereito á sanidade e tal como indicou a propia presidenta do Colexio de Farmacéuticos de Lugo está a provocar que moitas persoas que precisan de determinados medicamentos procederan a deixar de tratarse abandonando o mesmo. Non é a falta de dispoñibilidade orzamentaria, tampouco o custo que o mesmo implica para as arcas públicas o que xustifica a posición de Feijoo, son outras e as mesmas están vinculadas a que o Presidente da Xunta só sabe blindar a sanidade pública privatizando servizos ou excluíndo da mesma a quen menos ten”.
Antonio Veiga insistiu en que “ non deixa lugar a dúbidas que sexan Galiza e Aragón os únicos territorios nos que o seu Goberno manifestou a vontade de aplicar o copago, mesmamente cando outras comunidades como Madrid e Valencia, campioas da privatización, ou María Dolores de Cospedal en Castela- La Mancha, xa anunciaron a súa negativa a entrada en vigor do copago. O Presidente da Xunta de Galiza demostra non ter sentimentos e remata por converterse nun auténtico pesadelo para os galegos, un perigo público que pon en risco a vida dos doentes crónicos, un autentico killer para enfermos de cancro, de SIDA ou de hepatite”.
Xa por último o vicepresidente da Deputación denunciou que “ non imos consentir este novo repagamento, este novo imposto á enfermidade, supón unha carga moi importante na economía de moita xente desfavorecida, persoas que xa non son quen de chegar a fin de mes e outras que xa nin comezan o mes, unha medida que vai significar o sacrificio e o sufrimento para moitas persoas e que só podemos tratar de indigna, inhumana, inxusta, para alén de retratar un goberno que actúa ao servizo do poder económico. Velaquí un novo roubo que forma parte dunha estratexia deseñada para facer caixa a costa das persoas máis desfavorecidas”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
