O Presidente, José Ramón Gómez Besteiro, mantivo un encontro cos novos empregados e cos Alcaldes dos doce Concellos da provincia onde este martes a Deputación arranca o plan de emprego para municipios de menos de 5.000 habitantes que foron excluídos reiteradamente dos obradoiros ou escolas taller da Xunta dende 2009 e que integran a Rede Natura. Esta programación permite a contratación, a través dos municipios, de 80 lucenses no paro, que este martes comezan a traballar nos Concellos, realizando melloras de servizos públicos.
Este plan, dotado de 2 millóns de euros da Deputación, permite crear emprego e mellorar as dotacións públicas nos municipios con menor capacidade económica, combatendo o despoboamento demográfico no rural. Ademais da exclusión reiterada da Xunta de Galicia, o plan vai dirixido ós Concellos con maior taxa de paro, superficie da rede natura e superficie forestal. Polo que os municipios adxudicatarios son: Cervantes, Quiroga, A Pontenova, Navia de Suarna, Negueira de Muñiz, Becerreá, A Fonsagrada, A Pobra do Brollón, Ribas de Sil, Pedrafita do Cebreiro, Samos e O Incio. Trátanse de Concellos que forman parte da Rede Natura “que a Xunta mantén no máis absoluto abandono, ó non darlles fondos para que estas zonas sexan protexidas e non queden á marxe do desenvolvemento económico, e que a Deputación de Lugo trata de compensar”.
Os 80 seleccionados traballarán 15 meses, a diferenza dos obradoiros de emprego doutras administracións nos que os desempregados traballan só 6 meses. O número de traballadores por Concello determinouse polo número de habitantes, cun máximo de 11 para Concellos de ata 5.000 habitantes e un mínimo de 4 para os de menos de 500. Os Concellos foron os encargados de realizar os procesos de selección do persoal.
A Deputación asume os custes da seguridade social e as retribucións dos traballadores. Consciente da situación das arcas municipais, o organismo provincial ofrece ós Concellos o adianto do 90% do orzamento que lles corresponde, que a partires de mañá xa o poderán solicitar. As tarefas que levarán a cabo consistirán en obras no medio rural, intervencións en espazos públicos e naturais, medidas preventivas en defensa do medio ambiente, etc. É dicir, priorizarán as necesidades imprescindibles para o benestar dos veciños.
Traballadores e subvención
Cervantes, cunha poboación de 1.593 habitantes, conta con 5 traballadores e unha subvención de 135.075 euros; Quiroga, 3.595 habitantes, 8 traballadores e 216.120 euros; A Pontenova, 2.673 habitantes, 8 traballadores e 216.120 euros; Navia de Suarna, 1.337 habitantes, 5 traballadores e 135.075 euros; Negueira de Muñiz, 213 habitantes, 4 traballadores e 108.060 euros; Becerreá, 3.072 habitantes, 8 traballadores e 216.120 euros; A Fonsagrada, 4.198 habitantes, 11 traballadores e 297.165 euros; A Pobra do Brollón, 1.968 habitantes, 5 traballadores e 111.792 euros; Ribas do Sil, 1.058 habitantes, 5 traballadores e 135.075 euros; Pedrafita do Cebreiro, 1.199 habitantes, 5 traballadores e 135.075 euros; Samos, 1.556 habitantes, 5 traballadores e 135.075 euros; O Incio, 1.875 habitantes, 5 traballadores e 135.075 euros.
14 millóns de euros para emprego
A Deputación achega 14 millóns de euros á creación de emprego na provincia no 2014, o triplo que a Xunta de Galicia, xa que, ademais deste plan de 2 millóns de euros, o organismo provincial investirá 3,5 millóns de euros no novo Pacto Provincial polo Emprego, que contribuirá á inserción laboral de 1.000 lucenses no paro; 3 millóns de euros no proxecto coa Escola de Organización Industrial (EOI), que dará emprego a 50 persoas para convertelos en especialistas en innovación; 5 millóns de euros nun novo plan de emprego en todos os Concellos da provincia; 230.000 euros en 50 bolsas Leonardo da Vinci para mozos titulados, ademais das 3 bolsas formativas coas que reforza a Axencia Provincial da Enerxía ou as 2 no sector da cantería e carpintería do Centrad.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
