A Mariña, 20 de marzo, 2026. BeOne Fitness & Sport ampliou o seu acordo de patrocinio con O Gran Camiño, unha das probas ciclistas profesionais máis destacadas do calendario deportivo en España, reforzando así a súa estratexia de vinculación co deporte e cos hábitos de vida saudables.
A sinatura do acordo contou coa participación de Roberto Ramos, director xeral de BeOne, e de Ezequiel Mosquera, ex ciclista profesional e director de EME Premium Sports, entidade promotora de O Gran Camiño.
Tras a súa primeira experiencia como patrocinador na edición anterior, a compañía decidiu incrementar a súa implicación na carreira, consolidando a súa presenza nun evento que, en poucos anos, se converteu nun dos grandes escaparates do ciclismo profesional e nun importante activo de promoción deportiva para Galicia.
No marco desta colaboración, BeOne contará cunha presenza destacada en diferentes soportes do evento e dará nome a un dos puntos estratéxicos do percorrido co “KM BeOne a 10 de meta”. Ademais, impulsará diversas activacións dirixidas á súa comunidade de socios.
Entre estas accións inclúense experiencias exclusivas durante unha etapa da proba, retos deportivos vinculados ao percorrido oficial, sorteos do maillot do evento nos seus centros e outras iniciativas destinadas a achegar a competición ás persoas usuarias das súas instalacións deportivas.
Para Roberto Ramos, director xeral de BeOne, este acordo supón “seguir apostando polo deporte de alto nivel e por iniciativas que transmiten valores cos que nos identificamos plenamente, como o esforzo, a superación e o compromiso. O Gran Camiño é ademais unha proba profundamente vinculada á nosa terra, Galicia, e para nós é un orgullo formar parte do seu crecemento”.
Con esta renovación, BeOne reforza a súa aposta polo patrocinio deportivo como ferramenta de posicionamento de marca e de conexión coa súa comunidade, ao tempo que apoia un evento que contribúe a situar Galicia no mapa do ciclismo internacional.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
