Dúas rutas xeolóxicas, un percorrido pola Vila do Medio e as vistas ao Barco Museo Boniteiro completan a oferta entre o 1 e o 4 de abril
Burela, 20 de marzo de 2026. O Concello de Burela presenta a súa programación de actividades culturais e turísticas con motivo da Semana Santa deste ano. O programa inclúe rutas xeolóxicas, visitas guiadas ao patrimonio histórico e natural do municipio, e actividades para coñecer de preto o municipio e o seu patrimonio.
Os días 2, 3 e 4 de abril concentrarán o maior número de propostas. Como novidade este ano, o venres 3 de abril ás 16:30 horas terá lugar unha visita guiada gratuíta ao molde do faro. Durante a actividade, as persoas asistentes poderán coñecer a historia da baliza de Pena Burela e acceder ao interior do molde para contemplar a obra artística realizada por David Catá. Para asistir é necesario facer unha reserva previa na oficina de turismo.
As rutas xeolóxicas, xa consolidadas na programación turística do municipio, volverán ofrecer dúas propostas guiadas e interpretadas por unha xeóloga. O venres 3 de abril desenvolverase a ruta da Marosa, en horario de 10:30 a 13:30 horas, mentres que o sábado 4 de abril terá lugar a ruta do Perdouro, no mesmo horario. Ambas actividades son gratuítas, pero requiren reserva previa, e terán como punto de saída a oficina de turismo.
Ademais, o sábado 4 de abril realizarase unha visita guiada pola Vila do Medio, que permitirá coñecer a Burela rural e a súa igrexa, onde se conservan pinturas de finais do século XV. Trátase dunha proposta gratuíta, que tamén require reserva previa.
O Barco Museo Boniteiro ‘Reina del Carmen’ tamén se integra na programación, permanecendo aberto de martes a sábado con visitas ás 11:00, 12:00, 13:00, 17:00 e 18:00 horas. A asistencia precisa reserva previa a través da web reservasbarcoboniteiro.burela.org.
“As propostas desta Semana Santa buscan poñer en valor tanto o patrimonio histórico como o natural do noso concello. Queremos que veciños e visitantes poidan gozar dunha experiencia completa, coñecendo Burela dun xeito diferente e ameno”, sinala o concelleiro de Turismo, Ramiro Fernández. “Seguimos apostando por actividades que se consolidaron nos últimos anos, e a previsión de visitantes é moi positiva”.
As reservas para as rutas xeolóxicas, a visita á Vila do Medio e a visita ao molde do faro deberán formalizarse na oficina de turismo, de xeito presencial, chamando ao teléfono 982 888 506 ou a través do correo electrónico oficinadeturismo@burela.org.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
