A Deputación de Lugo é o primeiro organismo provincial de España e pioneira entre as administracións públicas de Galicia en impoñer cláusulas que defenden os dereitos dos traballadores, as denominadas cláusulas sociais, en tódolos contratos de servizos.
Así o anunciou este mércores o Presidente provincial, José Ramón Gómez Besteiro, quen se mostrou convencido de que “a contratación pública é unha política pública máis, unha ferramenta para acadar os obxectivos que nos temos marcados como institución progresista que prioriza os problemas das persoas e loita por un sistema económico xusto e igualitario”. “A política non debe estar nas mesas de contratación, senón no deseño e control das políticas de contratación”, recalcou.
A Deputación de Lugo aplica este modelo de contratación socialmente responsable “nun momento coma este” porque “cremos nun emprego de calidade apoiando ás empresas que o crean e porque así blindamos ós traballadores das firmas que prestan un servizo a esta institución, pois esiximos por escrito como condicionante que se garantan durante toda a relación contractual tanto o número de empregados, como as súas condicións laborais, tipo de contrato e soldo”, explicou Gómez Besteiro.
Deste xeito, engadiu, “impedimos que algunha empresa aproveite e se escuse en leis tan nefastas como a reforma laboral do Goberno central para vulnerar os dereitos dos traballadores en favor de despedimentos en precario”.
Cales son as novas cláusulas sociais?
A Deputación introduce cláusulas sociais nos pregos de contratación de servizos e esixirá o cumprimento de medidas sociais durante a execución do contrato.
Os novos requisitos nos pregos de contratación son os seguintes:
– Incorpórase como criterio de valoración o número de traballadores con contrato indefinido das empresas que presenten oferta.
– Teranse en conta as propostas que impliquen unha mellora nas condicións laborais e salariais con respecto ó Estatuto dos Traballadores e ó convenio estatal vixente ou o que resulte de aplicación.
– Terase en conta a inserción de traballadores con discapacidade.
– Tal e como obriga a lexislación estatal e autonómica, a oferta económica puntúa moi significativamente, pero a Deputación non permitirá baixadas desproporcionadas ou anormais no prezo a costa de reducir en gastos laborais. Incorporando esta obriga atende a Directiva 2014/24 da Unión Europea sobre Contratación Pública aprobada o pasado mes de xaneiro, que aínda non ten aplicación en España.
En canto ós novos requisitos na execución do contrato, son os seguintes:
– As empresas deben cumprir coas condicións laborais que ofertaron, é dicir, manter o número de traballadores, contratos indefinidos, soldos…
– E deben manter as condicións económicas e sociais previstas no convenio estatal ou sectorial.
Estas dúas condicións súmanse “ós criterios que xa viñamos aplicando no caso dos servizos de vixilancia e de seguridade: As empresas deben subrogar a tódolos empregados e respectar os dereitos laborais que tiveran recoñecidos na súa anterior empresa, incluída a antigüidade”, explicou o Presidente.
O incumprimento terá consecuencias
Vulnerar estas obrigas durante a relación contractual pode levar consigo, segundo indicou Gómez Besteiro, a resolución do contrato; penalizacións, que, en función da gravidade da infracción, poden variar entre un 3 e un 10% do orzamento do contrato; ou mesmo pode ser causa de prohibición para contratar coa administración, cando se trate do incumprimento de condicións especiais de execución de contrato.
A Deputación fará un seguimento rigoroso para velar polo cumprimento destas condicións. Para iso, esixirá ás empresas adxudicatarias que, xunto a cada factura, acrediten con documentación a relación de traballadores e o que cotizan por eles.
Xa está en marcha
A nova política provincial de contratación xa está en marcha. “Estamos tramitando xa 5 pregos que inclúen cláusulas en defensa dos dereitos dos traballadores: no servizo de vixilancia, limpeza, Centro de Atención ó Usuario (CAU), o proxecto europeo do Goberno Intelixente e a aula itinerante de formación. É dicir, a Deputación de Lugo blinda 83 postos de traballo na implantación deste modelo de contratación social”, recalcou o Presidente.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
