A propia Osa do Mar e Fanto Fantini presidiron a presentación aos medios de comunicación da primeira edición do Festival Osa do Mar no Hotel Nordés de Burela este xoves.
Os dous protagonistas estiveron acompañados pola directiva da asociación cultural de nova creación (Fanto Fantini), por representantes das duas principais institucións colaboradoras: a Vicepresidencia da Deputación de Lugo e responsábel das áreas de Benestar Social, Deporte, Igualdade e Mocidadade (Antón Veiga e Mario Pillado) e do Concello de Burela (José María González Barcia e Mónica Pedre) e por colaboradores e empresas patrocinadoras.
Nunha breve explicación comentaron que Osa do Mar pretende ser unha fin de semana completa coa música como telón de fondo ademais de unha oferta de actividades culturais, deportivas e diferentes servizos.
En Burela (na zona de A Marosa) con un cartel que se podería considerar alternativo, “underground” e de calidade intentando fusionar diferentes estilos (rock, pop, indie…). A data escollida é a fin de semana do 12-13 de setembro do 2014.
Queren tamén demostrar que “A Mariña está en movemento” e que hai espazo e oportunidade para organizar eventos culturais diferentes, amosando unha imaxe moderna e dinámica dunha zona con un potencial enorme en todos os sensos.
Confirmaron aos primeiros sete grupos; aínda que esperan pasar dos 20 grupos: Triángulo de Amor Bizarro (Lugo), Ataque Escampe (Compostela), Guerrera (Pontevedra), Acid Mess (Asturias), The Glockenwise (Portugal), The Brosas (Burela) e Skölhma (Burela).
Nas próximas semanas xa se poderán mercar as entradas (10 euros o abono de dous días e 6 euros o de un día, no caso de realizarse por anticipiado) na web oficial do Festival, www.osadomar.com.
A Área de Cultura da Deputación colabora co festival Osa do Mar
Durante a súa intervención, Antonio Veiga explicou que “a posta en marcha deste festival, dá boa proba de que na Mariña hai espazo e oportunidade para organizar eventos culturais diferentes, amosando unha imaxe moderna e dinámica dunha zona cun gran potencial en todos os eidos”.
Así mesmo, o vicepresidente da Deputación fixo fincapé “na importancia que adquire este festival de cara a dar a coñecer grupos galegos de calidade e cun nivel boísimo que non son tan coñecidos por falta de oportunidades”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
