Lugo, 23 de xullo de 2014.- A Deputada de Medio Ambiente e Enerxías Renovables, Sonsoles López Izquierdo, presentou este mércores a 4ª edición de Termalismo no Camiño que pon en marcha a institución na provincia en impulso do benestar social e o turismo medioambiental. Faino con 60.000 euros de fondos europeos, cos que ofrece a lucenses maiores de 50 anos outras 1.200 prazas subvencionadas, dende agosto e ata decembro, nos balnearios da capital lucense, Palas de Rei e Pantón.
“Arrancamos unha nova edición desta programación logo do éxito das anteriores convocatorias, coas que preto de 3.000 persoas desfrutaron de descontos en instalacións termais da provincia. Con esta nova convocatoria, acadamos, polo tanto, un total de 4.200 prazas subvencionadas, coa que potenciamos o benestar social. Con Termalismo no Camiño impulsamos, ademais, un sector clave para a económica, como é o termal, que xera riqueza e emprego, combatendo o despoboamento demográfico. Unhas 150.000 persoas visitan ó ano Galicia para beneficiarse da súa riqueza mineromedicinal, posto que conta con 7 dos 8 tipos de augas medicinais que existen, xerando beneficios de 126 millóns de euros anuais. Lugo conta, a maiores, con balnearios ó pe dos 800 quilómetros de rutas de peregrinación, convertendo á provincia nun destino de indubidable interese para este tipo de turismo desestacionalizado, tanto a nivel nacional como internacional. Hai que destacar, ademais, que os balnearios son exemplo de modelo de empresa sostible, garantindo o futuro do recurso e fixando poboación grazas á creación de emprego local”, destacou a Deputada.
López Izquierdo estivo acompañada por representantes dos balnearios beneficiados: Antonio Garaloces Paz, do Hotel Balneario de Lugo Termas Romanas; Antonio Freire Magariños, do Hotel Balneario Río Pambre; e Santiago Villanueva, do Oca Augas Santas Balneario & Golf Resort. Todos agradeceron á Deputación a súa aposta polo termalismo coa 4º edición desta programación, “coa facilita os tratamentos terapéuticos ós lucenses e axuda ás empresas a continuar coa súa actividade nun momento difícil”, destacou Garaloces. Freire e Villanueva remarcaron o impulso ó rural, posto que Termalismo no Camiño dinamiza o turismo da Ulloa e da Ribeira Sacra, onde os balnearios de Palas de Rei e Pantón son motores de riqueza e emprego destas Comarcas.
Requisitos dos balnearios
Os establecementos participantes son os que resultaron beneficiados do concurso público desta programación, á que puideron optar, tal e como recollen as bases publicadas no BOP, os balnearios da provincia que empreguen as augas mineromedicinais declaradas de utilidade pública con fins terapéuticos e preventivos para a saúde, segundo establece a lei de regulación de augas minerais, termais e de manancial da Comunidade galega. “Dentro da nosa aposta pola defensa dos dereitos dos traballadores e do público, e en cumprimento da Lei de Subvencións”, remarcou López Izquierdo, outros dos requisitos que fixou a Deputación ós balnearios lucenses para poder beneficiarse de Termalismo no Camiño foron: non ter solicitado a declaración de concurso voluntario; non estar declarados insolventes ou en concurso; non estar sancionados mediante resolución firme coa perda de obter subvencións; ou estar ó corrente no cumprimento das obrigas tributarias, entre outros.
Descontos
Os 3 balnearios ofrecerán descontos nos paquetes detallados a continuación, que son os que subvenciona a Deputación con 50 euros, facendo que os prezos se rebaixen ata os 80/84 euros sen estancia, e de 180 euros con ela.
6 días con 5 noites de estancia
5 pensións completas
Día de entrada, domingo: incluídos cea e aloxamento
Día de saída, venres: incluídos almorzo e comida e 8 técnicas de balneario
Un recoñecemento médico á chegada
De luns a xoves haberá programas con actividades de animación sociocultural
Poderanse prolongar os tratamentos terapéuticos ata os 10 días, sen desconto da Deputación os 5 días a maiores, pero con prezos economicamente vantaxosos.
Solicitude en agosto
As 1.200 prazas subvencionadas, que se poderán desfrutar dende agosto e ata decembro, distribúese do seguinte xeito: 30 no Hotel Balneario de Lugo Termas Romanas; 200 no Hotel Balneario Río Pambre; e 970 no Oca Augas Santas Balneario & Golf Resort.
O prazo de solicitude abrirase durante o mes de agosto e estará dispoñible en www.deputacionlugo.org e no 982-26-00-75.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
