23 de xullo de 2014.- Dende a Alianza Rural Galega queremos fuxir de predicións e agoiros catastrofistas á hora de valorarmos a posíbel incidencia dos incendios forestais durante o periodo de máximo risco deste ano. Porén, compre termos en conta unha serie de condicionantes que van determinar a maior ou menor incidencia dos lumes nun territorio.
O clima, principal fator determinante malia ás medidas da Xunta
En primeiro lugar, chámanos a atención que malia a que os lumes en Galiza son un conflito cunha fonda base social, sensíbel portanto ás políticas sobre a xestión do territorio, o principal factor determinante siga a ser a climatoloxía. Este feito deixa clara a ineficacia ou o desleixo cómplice da actual administración, máis preoupada por apagar os lumes físicos e mediáticos que por intervir sobre as causas –principalmente socioeconómicas- que os provocan.
Fica pois ao abeiro do tempo, único factor sobre o que non se pode intervir directamente, que esta tempada vivamos outra vaga de incendios catastrófica ou que a incidencia do lume sexa menor que outros anos. Cunha climatoloxía adversa (altas temperaturas, forte vento e baixa humidade) tanto terán as medidas de extinción que a Xunta artelle através do institucionalizado PLADIGA: o monte seguirá ardendo.
Deste xeito, neste 2014 cunha primavera e verán até o de agora moi húmidos, a franxa atlántica vaise salvar de grandes incendios. Se a calor vén en agosto e setembro, cabería agardar una maior incidencia dos lumes nas comarcas interiores de Lugo, Ourense e Pontevedra. E de persistir esta situación, os principais focos poderían trasladaranse tamén á franxa atlántica da Coruña e N de Pontevedra.
Os lumes, consecuencia das políticas de abandono do medio rural
Se sobre a previsión climática superponemos ademáis os factores socioeconómicos que propician os lumes (envellecemento da poboación, abandono do rural, forestación con pirófitas e outros cambios nos usos do monte, así como os conflitos coas especies cinexéticas, entre outros) atopamos que os distritos forestais III e XII na Coruña; VII, IX e X en Lugo; XII e XIII en Ourense acumulan un maior risco de confitos incendiarios.
Outros factores non resoltos e vencellados ao uso do lume como instrumento (de protesta, administrativo, de confrontación política ou mediático) poden ser tamén o detonante dos lumes naquelas comarcas, particularmente as costeiras (distritos IV, V, XVIII e XIX) nas que os incendios amosan ademais un maior risco para a poboación por producírense en áreas periurbanas ou con importante concentración poboacional.
Para a Alianza Rural Galega, esta análise froito de poñermos xuntas as distintas variábeis que interveñen na ecuación dos incendios, amosa dous feitos: En primeiro lugar, a miopía dunha administración que insiste en apostar todo á extinción abandonando a prevención e que mesmo pretende criminalizar á cidadanía das comarcas con máis lumes, como se o problema incendiario fóra só cuestión de orde pública. E en segundo, o desleixo e falla de responsabilidade da Xunta que prefire “pasarlle a bóla” aos concellos e encomendarse á virxe do Rocío que afrontar o conflito dos lumes como un problema social e como tal, resolúbel con métodos participativos, formación, información e concienciación.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
