A Mariña, 26 de xaneiro de 2015. O colectivo de emigrantes retornados da Mariña convoca asemblea comarcal aberta a persoas afectadas para tratar o proceso de regularización que cualifican de mero parche que non soluciona os problemas de fondo polo que as plataformas comarcais coordinadas a través da Coordinadora Nacional Galega de Emigrantes Retornados continuarán a súa loita para avanzar nos obxectivos marcados. O mércores 28 de xaneiro ás 19.00 horas no CENIMA de Foz, celebrarán asemblea para definir un plan de traballo para os próximos meses. Ademais o martes 27 asistirá un grupo ao pleno da Deputación onde se debaterá unha iniciativa do BNG de apoio ás demandas dos colectivos de retornados.
O colectivo de Emigrantes Retornados da Mariña asistirá o martes 27 ao pleno da Deputación de Lugo para apoiar a iniciativa presentada polo BNG na demanda de solucións definitivas aos seus problemas coa Facenda española.
Os emigrantes retornados explicaron que a pesar de que o PP nos gobernos galego e estatal dan por rematado o problema coa fiscalidade que lles afecta coa apertura do proceso de regularización e a devolución de intereses e sancións cobrados inxustamente no último ano e medio, isto non é así; segue sen resolverse o problema do trato discriminatorio entre as persoas que teñen un ou mais pagadores, non se recoñecen de oficio as pensións por invalidez concedidas fora do estado español e mantense nalgúns casos, sobre todo en pensións procedentes de Suíza, a dobre tributación.
Durante este ano e medio de mobilizacións moitas persoas emigrantes retornadas tivemos que facer fronte a reclamacións tributarias con intereses e sancións aplicadas sobre os últimos catro anos, na maioría dos casos con pensións que non chegan aos 22.000 euros de ingresos anuais so por ter dous ou mais pagadores. As nosas pequenas pensións están servindo para manter a fillos e netos no paro, a axencia tributaria non informou con transparencia da obriga de declarar pensións procedentes de estados estranxeiros e asaltou os nosos pequenos aforros xusto cando mais os precisabamos.
Emigrantes retornados denuncian ademais que o período de regularización vai servir á axencia tributaria para lograr cuantiosos ingresos, moi por riba das cantidades que vai ter que devolver en sancións e intereses xa cobrados, unha vitoria parcial froito da mobilización e a denuncia pública pero que non colma nin moito menos as nosas aspiracións.
Emigrantes Retornados A Mariña.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
