Burela, 24 de xaneiro de 2015. O alcalde de Burela, José María González Barcia, manifestou este sábado a súa “indignación ante a postura do presidente da Deputación e secretario xeral do PSdeG, José Ramón Gómez Besteiro, de vir a Burela onte, e nin tan sequera chamar para concretar a entrevista que o propio alcalde solicitou por escrito o pasado 26 de decembro”. O rexedor quere plantexarlle, tal e como recolleu a institución provincial no seu día, o impulso dos solos industriais que figuran no PXOM.
Para González Barcia, que afirma que desde a Deputación ninguén se puxo aínda en contacto coa alcaldía para concretar aspectos desa petición de entrevista, “isto non é ningunha novidade, porque xa solicitamos máis entrevistas e a resposta foi nula; o que si é rechamante, e que por riba demostra moi pouco coraxe e moita covardía política, é o feito de que Besteiro veña a Burela e nin tan sequera se digne a dialogar cinco minutos co representante lexítimo dos cidadáns deste Concello, porque o alcalde, como alcalde, quere falar co presidente da Deputación de todos os veciños desta provincia”.
José María González Barcia afirma que no escrito que lle remitiu no seu día ao presidente da Deputación figuran tres peticións: “colaboración da institución provincial para a construción dos novos vestiarios da Marosa, beirarrúa na marxe dereita da estrada da Deputación que vai a Rúa hasta o cemiterio municipal e, sobre de todo, estudar vías de colaboración para planificar e desenvolver os dous polígonos industriais que se reflicten no PXOM”.
Barcia indicou que “a Deputación asina convenios de colaboración con determinados Concellos, pero con Burela non asinou ningún; por riba, a Deputación contemplaba en 2006 e 2007 unha previsión de investimento por parte de SUPLUSA para definir o planeamento e desenvolvemento de solo industrial en Burela; e algún traballo se fixo por encargo do anterior goberno da Deputación, non do actual; se ben é certo que coa elaboración do PXOM non se podía facer moito, logo de ter aprobado o PXOM é o momento de establecer marcos de colaboración”.
González Barcia afirma que “a planificación e desenvolvemento dos polígonos empresariais é fundamental para dinamizar a economía, asentar e atraer poboación e xerar riqueza, algo no que todos os políticos deberíamos estar de acordo, e tamén é algo ao que a propia Deputación en 2006 se comprometeu a traballar. Polo tanto creo que non é moito pedir sentarse a falar alcalde e presidente Deputación sobre este asunto, porque falamos do Concello de Burela, un dos máis dinámicos da provincia”.
“E iso é o que lle queríamos pedir, pero resulta que o Sr. Besteiro prefire vir aquí a anunciar o que en oito anos non foi capaz de facer, pero para nada falar co alcalde, e xa non digamos recibilo”, afirmou o alcalde burelés, que rematou dicindo que “algo xa sabíamos do sectarismo político de Besteiro. El saberá porqué non quere falar co alcalde, porque iso significa non escoitar peticións que son razoables e nas que se pode chegar a acordos. Nos próximos días reiteraremos a petición de entrevista e que non dubide o Sr. Besteiro que nós nos sentaremos a falar con el cando faga falta e sobre o que faga falta, algo que el demostra non estar disposto a facer”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
