COMUNICADO:
Un dos retos colectivos máis urxentes que temos na provincia de Lugo é o despoboamento do territorio e o crecente envellecemento poboacional. Segundo os datos oficiais de Eurostat, Oficina de Estatística da Comisión Europea, Lugo é a novena provincia con maior porcentaxe de maiores de 65 anos de Europa, e a terceira provincia española en envellecemento poboacional. Estudos como o Mapa Galego de EquipamientosSociales, elaborado pola propia Xunta de Galicia, indican que Lugo precisa de, polo menos, 1.228 prazas residenciais e 1.040 prazas de centro de día, que lle permitan alcanzar os ratios mínimos de cobertura asistencial.
O despoboamento é un problema transversal daprovincia, que non só incide no abandono do territorio, senón que é orixe de problemas derivados, que van dende a falta de competitividade económica ata a mingua de servizos sociais. O binomio de redución de poboación e servizos públicos opera como un círculo vicioso,no que a menor poboación, máis custosoresulta cubrir os servizos para as administracións; e a menores servizos, menor fixación da poboación.
En termos de sostibilidade, a despoboación tamén é un problema incitante, xa que o colectivo de maiores de 65 anos é o que demanda unha maior cantidade de recursos públicos pola súa especial atención. Ademais, no actual contexto de crise económica e de emprego, segundo os datos publicados polo Ministerio de Emprego, o ratio de cotizantes por pensionista baixou ata 2,25 veces, o nivel máis baixo dende finais do ano 2000.
Ante esta realidade, a Deputación de Lugo apostou pola creación dunha rede de residencias públicas e de centros de día, que asegure a garantía asistencial das persoas maiores e que, ademais, axude a favorecer a conciliación da vida persoal e laboral.
A decisión da Deputación de Lugo de custear en solitario os quince millóns de euros necesarios para a súa execución, teñen como obxectivo paliar a carencia constatada de servizos sociais por parte da Xunta de Galicia. Ademais, cabe destacar que o investimento desenvolvido pola Deputación favorecerá o desenvolvemento económico dos concellos onde se sitúen as residencias e que creará máis de 140 empregos directos.
Non obstante, é un obxectivo prioritario para a Deputación de Lugo que a rede de residencias conte con criterios de acceso universal, abaratando ao máximo o custo da praza para facilitar o acceso das persoas con rendas máis reducidas. Para que sexa posible e factible ao cento por cento é imprescindible a colaboración da Xunta de Galicia, tendo en conta que é a Administración Autonómica a competente para levar a cabo a concertación de prazas. Neste senso, cómpre sinalar que o artigo 27.23 do Estatuto de Autonomía de Galicia establece que será a Comunidade Autónoma Galega a que ostente, de modo exclusivo, as competencias en materia de asistencia social, polo tanto dos servizos sociais de Galicia.
Así pois, apreciamos de obrigado cumprimento por parte da Xunta de Galicia facer efectivas as competencias propias, que non son outras que as de promocionar a autonomía persoal e a atención ás persoas en situación de dependencia e, por ende, a financiación do custo do sistema de participación dos seus usuarios. Competencias que a Xunta incumpre reiteradamente, negándose a concertar prazas na Rede de Residencias de maiores, que están a piques de abrir, como son as de Castroverde e A Fonsagrada.
Por todo o exposto, e ante a falta de compromiso da Xunta de Galicia cos lucenses, aos que nega o acceso ás residencias da terceira idade e centros de día por mero partidismo e electoralismo, o Equipo de Goberno da Deputación de Lugo somete a pleno o seguinte.
ACORDO
Demandar á Xunta de Galicia a sinatura dun convenio coa Deputación de Lugo para concertar prazas na rede provincial de residencias creadas, co obxecto de democratizar e economizar o acceso á asistencia.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
