Lugo, 10 de xullo de 2015.- O novo Equipo de Goberno da Deputación de Lugo, que preside Elena Candia, vén de anunciar que a administración provincial financiará integramente o custe do servizo de teleasistencia domiciliaria que se presta nos fogares da provincia.
A decisión do actual Executivo provincial de asumir con recursos propios o custe do 100% deste importantísimo servizo vén a ser un novo paso dentro do anunciado compromiso dos populares de reforzar o investimento en benestar e dar prioridade á asistencia aos veciños que máis o necesitan, neste caso, persoas maiores usuarias da teleasistencia.
A medida suporá ademais un aforro considerable para os municipios da provincia (o custe total do servizo estímase en 172.000 euros), o que tamén contribuirá a blindar a obriga de colaboración e cooperación cos municipios que a Deputación de Lugo ten entre os seus cometidos principais e que ata o de agora non se estaba a materializar na súa integridade, obrigando a que os concellos e, nalgúns casos tamén os usuarios a través do copago, tiveran que financiar parte do custe deste servizo.
En concreto os concellos lucenses xa non terán que achegar o 50% do gasto que supón prestar a teleasistencia domiciliaria, tal e como acontecía ata o de agora por decisión do anterior Equipo de Goberno, de tal xeito que pasa a ser a Deputación de Lugo quen, con efectos desde esta mesma anualidade, 2015, asumirá integramente este custe.
Máis tempo no seu fogar
Desde a Deputación de Lugo quixeron poñer en valor o funcionamento do servizo de teleasistencia, xa que logo supón unha clara aposta do Goberno provincial porque os nosos maiores poidan vivir, tal e como desexan a inmensa maioría deles, nos seus fogares o maior tempo posible, nas mellores condicións e con todas as garantías.
No seu afán por incrementar a protección destas persoas, a Deputación lucense financiará a instalación de dispositivos de conectividade e seguridade nos seus fogares, conectados as 24 horas do día, todos os días do ano. Estes aparatos permiten dar a coñecer calquera situación de risco ou dificultade de maneira que se poida actuar con rapidez e evitar ou reducir as súas consecuencias.
Doutra banda, o servizo de teleasistencia tamén se converteu nun axente dinamizador da vida das persoas maiores da provincias. Así, os usuario reciben información a través da central de teleasistencia sobre hábitos saudables, exercicios para a memoria. No seu caso unha unidade móbil e o persoal de intervención domiciliaria pode desprazarse ata a vivenda da persoa que necesita asistencia, acompañada dos servizos médicos ou de emerxencia, se fora preciso.
Máis de 3.000 lucenses beneficiarios das primeiras decisións do Goberno
Desde a Deputación de Lugo salientan que as primeiras medidas do equipo de Goberno popular benefician a máis de 3.000 lucenses, cifra que se supera amplamente se sumamos os 2.306 usuarios do servzio de axuda no fogar, os 1.071 que reciben a teleasistencia domiciliaria.
Desde o novo Equipo de Goberno que preside Elena Candia, insisten en que o cambio de Goberno na Deputación debe materializarse tamén nun cambio de prioridades, neste caso, para mellorar os servizos de benestar, sobre outras medidas e gastos superfluos.
“Farémolo hoxe coa decisión de financiar integramente con recursos provincias a teleasistencia e se fixo, días atrás, co anuncio de que a Deputación duplicará o orzamento previsto para o servizo de axuda no fogar, en cumprimento da lexislación vixente, cesando na situación de insumisión na que se situaba esta administración co bipartito e en coherencia cos pronunciamos xudiciais sobre o financiamento destes servizos”.
Boa acollida
Desde o Goberno provincial sinalan finalmente que este tipo de medidas son moi ben acollidas desde os concellos lucenses que, a través dos seus alcaldes e nunha inmensa maioría, reclamaban máis compromiso e máis implicación da Deputación en materia de servizos sociais. Pero tamén son ben acollidos polos usuarios que poden observar como se blinda a continuidade dun servizo esencial para moitas familias, e se crean as condicións para aumentar incluso a asistencia que se lle presta, pois o aforro municipal poderá ir destinado a ampliar o número de beneficiarios deste e doutros servizos de benestar.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
