Burela 26-1-17. O pivote catalán José Carlos López Lozano (Barcelona, 1983) será xogador do Pescados Rubén Burela FS ata final de tempada. Con ampla experiencia en Primeira División e procedente do Torrejón Sala, o novo integrante laranxa incorporarase aos adestramentos do conxunto de Tomás de Dios o vindeiro luns.
“Durante estes días recibín máis propostas pero Pescados Rubén é a oportunidade que estaba esperando para volverme ilusionar con este deporte; levo moitos anos xogando en Primeira e Segunda División, pero teño a mesma ilusión e ánimo que cando empecei, aos 18 anos” confesábase así de emocionado José Carlos, todo un clásico do futsal en España, por esta nova etapa. “Logo de saír de Zaragoza e cun proxecto frustrado no verán preto da casa, en Madrid, as ofertas que recibín en xullo e agosto, tanto de España como de fóra, non me convenceron; durante estes meses, con Torrejón Sala, en Segunda B, puiden manterme activo á espera dunha oportunidade coma esta” explicaba o xogador catalán.
“O mercado de inverno é difícil; requírese unha adaptación moito máis rápida pero chego con ilusión e ganas de volver traballar en Primeira, coa mentalidade de axustarme ao grupo enseguida. Creo que non será difícil porque xa teño varios coñecidos no equipo. Estou desexando que chegue o luns para dalo de todo de min” irradiaba así a súa enerxía positiva o xa pivote burelista.
Co dorsal 31 ás costas, José Carlos recala na Mariña cunha dilatada traxectoria na máxima categoría. No seu último enfrontamento cos galegos, en 2015-16, defendía a camiseta do DLink Zaragoza; Caja Segovia (2012-13), Carnicer Torrejón (2009-12), Pinto (2008-09), Boadilla (2003-04, 2006-07) son algúns dos clubs de referencia no percorrido deportivo do pivote, que tamén cortexou o futsal internacional de Primeira, co Napoli (2013-14) italiano e no Baku United londinense (2014-15).
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
