A Mariña, 16 de xuño de 2017. A Mancomunidade de Municipios de A Mariña e a FCAM constituirán unha mesa de traballo para definir as liñas a seguir conxuntamente nos vindeiros meses de cara á promoción turística da comarca como xeodestino único, e para demandar tamén mellores infraestruturas e servizos para esta zona. O acordo foi acadado nun encontro mantido nas últimas horas entre representantes de ambas entidades.
O presidente da Mancomunidade de Municipios de A Mariña, Alfredo Llano, explicou que “despois de ter as reunións que tiven a semana pasada tanto coa Axencia de Turismo da Xunta de Galicia como coa Deputación de Lugo, pensei que era bo facer unha reunión coa FCAM que xa tíñamos pendente para falar de varios asuntos. Basicamente o que fixemos foi orientar os nosos esforzos ao desenvolvemento integral da comarca da Mariña, e sobre todo pensando no turismo como unha faceta económica, social e cultural moi importante”.
Llano anunciou que “na reunión de onte sacamos varias conclusións. Unha delas é que imos traballar todos para complementarnos, para axudarnos, motivarnos e estar aí aportando todos o que poidamos co único fin do desenvolvemento da comarca da Mariña en todos os aspectos. Tomamos a decisión de facer unha mesa de traballo constituída por medio da Mancomunidade. Informarei disto no próximo pleno ordinario, que podería celebrarse o 28 de xuño, para que todos aqueles concellos que queiran formar parte da mesa de traballo se poidan incluír. Nesa mesa imos definir os produtos de turismo que queremos fortalecer, e pensar o que nos vaia ben para ter un turismo fluído, non masificado, sostible no tempo e constante durante todo o ano e que non se oriente unicamente a dous meses de verán”.
O presidente da Mancomunidade engadiu que “estivemos falando de qué tipo de eventos podemos facer para que se coñeza A Mariña no estado español. Onte estivemos debatendo, pero imos traer máis iniciativas e ideas máis concretas. Imos tratar de pechalo en sucesivas reunións e darlle un sentido práctico e concreto”.
Alfredo Llano dixo que “estivemos falando tamén de que a nivel institucional debemos insistir en recuperar servizos ou amplialos. Por exemplo, mellorar a 642 para a que levamos moito tempo solicitando melloras, que se poña en marcha xa dunha vez a autovía de Barreiros a San Cibrao, ou reclamar o tren como medio para o desenvolvemento integral da comarca. Solicitar polo tanto os servizos que sexan necesarios, e ter na Mariña todo aquilo que sexa bo para que entre todos poidamos aproveitalo, gozalo e que outra moita xente que poida vir tamén estea aquí a gusto”.
O presidente da Mancomunidade relatou que “falamos dos programas e proxectos que a través da Mancomunidade estamos a desenvolver todos estes anos, o que fixemos o ano pasado e o que temos programado para este ano. Hai que ter en conta que tamén nos vai botar unha man a Deputación, antes estaba soamente a Axencia de Turismo, pero agora a través da Deputación tamén imos ter uns medios económicos para seguir aplicando programas que vaian ben para o turismo”.
Alfredo Llano engadiu que “hai unha serie de ideas moi boas que imos levalas adiante este segundo trimestre. Entre elas están os cursos de formación que xa comezaron o ano pasado, pero tamén vai haber a proposta de audio guías para aplicalas en diversos lugares que son interesantes como As Catedrais, mosteiros ou sitios que puideran necesitar dunha audio guía”.
O presidente da Mancomunidade fixo fincapé en que “estamos todos de acordo en defender A Mariña como un xeodestino único, A Mariña como comarca e como destino, que todos os concellos colaboremos e axudemos para que isto sexa unha realidade porque se un concello vai ben seguro que os que están ao lado tamén irán ben. Imos procurar que isto sexa unha defensa unitaria da comarca e ao mesmo tempo pensamos que iso vai traer uns claros beneficios para cada un dos concellos que conformamos a Mancomunidade”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
