Mondoñedo, 14 de xuño de 2017.- O Goberno local de Mondoñedo fixo balance esta mañá das actuacións promovidas polo executivo en materia de iluminación pública e eficiencia enerxética. Dende o Concello de Mondoñedo impulsaron un amplo abano de accións que perseguían un dobre obxectivo, por unha banda acadar un importante aforro enerxético para a administración local e, por outra banda, conseguir esta redución dos custes mellorando a prestación deste servizo público. En concreto, dende o executivo local precisan que primeiro se puxo en funcionamento un plan de mantemento preventivo e correctivo para garantir a seguridade dos cidadáns neste eido e, de seguido, impulsáronse accións que permitiron unha importante redución do gasto enerxético.
Dende o Goberno local establecen tres eixos de actuacións, que definen de especial necesidade dentro da xestión municipal. Ademais da posta en marcha dun plan co que se garante o cumprimento da normativa en materia de seguridade, dende o Goberno numeran cambios das lámpadas tanto no rural como no casco urbano e a redución dos tempos de espera de substitución dos focos no caso de avaría; ao que lle suman diversas actuacións en edificios municipais, entre elas, a instalación dun maior número de puntos de rede wifi.
Plan de garantía da seguridade cidadá
Dun xeito máis preciso explican que o Concello de Mondoñedo durante este primeiro ciclo do Goberno de Candia elaborou e puxo en funcionamento un plan de mantemento preventivo e correctivo, “de vital importancia”, consideran, para “asegurarnos que as instalacións eléctricas cumpren a normativa en materia de seguridade”. Neste eido, dende o executivo municipal aseguran que en outubro de 2015 a meirande parte dos cadros de alumeado público estaban sen diferencial ou non funcionaba e a día de hoxe están todos funcionando e as avarías reparadas”, circunstancia que, precisan dende o Goberno, “reduce o risco eléctrico para a poboación, evitando tamén o malgasto de enerxía por derivacións á terra”.
Aforro enerxético e mellora nas novas tecnoloxías
No que respecta a outras actuacións, o executivo local citou o cambio de alumeado á lámpadas tipo led en barrios como son o Coto da Recadieira, Pelourín, Maariz, Coruxeiros ou Sán Lázaro, entre outros. En concreto, informan de que esta actuación supuxo un aforro anual de 7.000 euros. De igual xeito, tamén se impulsou a reparación do alumeado do Campo dos Paxariños, que levaba anos sen funcionar.
Para o Goberno mindoniense tamén é de suma importancia dar unha resposta áxil aos veciños á hora de demandar a substitución de focos por avarías ou de revisar o alumeado público na localización onde é obxecto de demanda. “Intentamos reducir os tempos de agarda ao máximo. Estamos ante un servizo público de primeira necesidade, que queremos ofrecer coas mellores garantías posibles”, precisa a rexedora, Elena Candia.
O Concello de Mondoñedo tamén fixo un forte fincapé na mellora das novas tecnoloxías na cidade. Así, instalou rede wifi no edificio da Escola de Música e no salón de actos do auditorio municipal ao igual que no Centro Comarcal, edificio no que tamén reforzaron as liñas para adaptalo ás novas necesidades.
De igual modo, outros edificios de titularidade municipal tamén foron obxecto de actuacións como é a estación de autobuses onde se automatizou tanto o alumeado exterior como o interior; reparouse o cadro de control da caldeira da Escola de Música e do equipo de aire acondicionado do salón de actos do Auditorio, “que afora funciona en modo frío e modo calor, ademais de instalárense os carteis indicativos para facer máis fácil a súa posta en marcha”.
A estas accións de mellora súmanselle outras como a do arranxo da instalación eléctrica do Centro Cultural da Alcántara, xa que tiña múltiples avarías e danos provocados pola humidade; así como tamén a reparación do equipo de conmutación automática do pavillón de deportes, entre moitas outras.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
