Foz, 27 de xullo de 2017. O alcalde de Foz, Javier Jorge Castiñeira, contesta as críticas realizadas nas últimas horas polas concelleiras do BNG sobre o caso da nave de Frutas Morriña e pregúntalles se defenden a aplicación da legalidade urbanística ou non.
“Ante as acusacións do BNG con respecto á actuación do equipo de goberno e do alcalde con respecto ao asunto de Frutas Morriña parécenos vergonzoso que un grupo político que estaba desaparecido neste caso, pois desde que ocorreu o fatal suceso non apareceu por ningún lado, veña agora cunha clara actitude de oportunismo político intentando danar a imaxe do alcalde”, manifestou o rexedor municipal que pregunta ás representantes do BNG se “respectan a legalidade urbanística e preguntáronlles aos técnicos cal é a súa opinión sobre este asunto, porque están poñéndose na parte contraria, de ir en contra da legalidade e dos informes dos técnicos”.
Ademais Javier Castiñeira lembrou que “o BNG foi o único partido que votou en conta do Plan Xeral, que precisamente dá solución a este tipo de construcións que quedan fóra de ordenación en solo rústico. Polo tanto déixense de demagoxia e de oportunismo e carroña política e traballen un pouco máis polo interese do Concello”.
O Alcalde de Foz pregunta ao BNG local se defende a aplicación da legalidade urbanística no caso da nave de frutas Morriña
Relacionado
-
O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
-
A Deputación reforza a cooperación cos concellos e impulsa o tecido empresarial cun investimento de máis de 390.000€
-
O PPdeG reclama en Ribadeo que o Ministerio rectifique e manteña as paradas fixas no transporte estatal
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
