Lugo, 22 de setembro de 2017.- A Consellería de Economía, Emprego e Industria subvencionará a contratación de 145 persoas que perciben a Risga (Renda de integración social de Galicia) na provincia, que pasarán a traballar en diversos servizos de competencia municipal.
O delegado territorial da Xunta en Lugo, José Manuel Balseiro, explicou que a Consellería de Economía, Emprego e Industria destina 1.279.000 euros ao financiamento dos contratos, dos que se benefician 37 concellos de Lugo.
Balseiro subliñou que “todos os concellos que o solicitaron recibiron o apoio da Xunta para realizar contratos ao abeiro deste programa, que ten como principal obxectivo favorecer a inserción laboral destas persoas e evitar a súa cronificación nunha situación de exclusión”.
Os beneficiarios desta iniciativa serán aqueles perceptores da RISGA que estean inscritos no Servizo Público de Emprego de Galicia como demandantes non ocupados. Entre eles, terán preferencia aqueles que teñan asinado un proxecto de inserción de carácter laboral, conten con cargas familiares ou dispoñan de máis de 45 anos.
O delegado incidiu en que para as 145 persoas que se incorporarán aos seus postos de traballo nos concellos “esta é unha oportunidade de ingresar no mercado laboral” e para as entidades locais “un reforzo para impulsar obras ou servizos de utilidade e interese social”.
Balseiro lembrou que, en todo caso, o obxectivo prioritario é mellorar a empregabilidade dos colectivos máis vulnerables, “partindo da premisa de que a mellor política social é o emprego”.
A relación de concellos beneficiados e do número de traballadores que poderán contratar é a seguinte:
CONCELLO E Nº DE CONTRATOS
CASTRO DE REI 2
PALAS DE REI 2
SOBER 2
TABOADA 2
MONDOÑEDO 2
BURELA 5
O VICEDO 2
NEGUEIRA DE MUÑIZ 2
A POBRA DE BROLLÓN 2
XOVE 1
PANTÓN 2
FOZ 5
OUROL 1
MONFORTE DE LEMOS 20
RIBADEO 5
ANTAS DE ULLA 2
CERVO 2
VIVEIRO 10
SAMOS 1
O SAVIÑAO 5
OUTEIRO DE REI 2
SARRIA 10
FRIOL 2
QUIROGA 5
CASTROVERDE 2
CARBALLEDO 2
A FONSAGRADA 2
MONTERROSO 2
BECERREÁ 2
BARALLA 2
BEGONTE 4
CHANTADA 5
VILALBA 5
LUGO 20
A PASTORIZA 1
O INCIO 2
XERMADE 2
TOTAL 145
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
