Burela, 22 de setembro de 2017. Hoxe foi presentado o III Torneo Marosa Cup que terá lugar os días 7 e 8 de outubro no campo de fútbol de A Marosa. Está organizado polo SD Porto de Burela en colaboración co Concello burelés e a Deputación Provincial de Lugo, e trátase dunha cita co fútbol base, “unha das prioridades do equipo de goberno” segundo salientou o edil Ramiro Fernández Rey. Ao torneo acudirán equipos como o Deportivo da Coruña e o CD Lugo.
O concelleiro de Deportes explicou que “vimos de presentar hoxe no Concello de Burela o III Torneo Marosa Cup que organiza o SD Porto de Burela en colaboración co Concello e que se vai celebrar os días 7 e 8 de outubro nas instalacións do campo de fútbol de A Marosa”.
Ramiro Fernández dixo que “é un torneo de fútbol base, unha das prioridades que tivo sempre este equipo de goberno e que vai seguir mantendo durante toda a lexislatura, e van participar equipos de iniciación, prebenxamín, benxamín e alevín”.
O edil burelés subliñou que “o Torneo Marosa Cup foi un éxito desde a súa primeira edición. Xuntamos preto de 500 cativos nas instalacións de A Marosa durante eses días, o que conleva tamén a xente que ven acompañando aos nenos e o beneficio que ten para a hostalería de Burela este tipo de eventos. Son citas polas que evidentemente estamos apostando”.
Fernández Rey engadiu que “nesta edición tamén colabora a Deputación Provincial dándonos unha axuda económica, e o Concello pon todos os medios tanto económicos como materiais para que o evento se leve a cabo da mellor maneira posible”.
O responsable de Deportes en Burela salientou que “este ano imos contar coa presenza de equipos de renome como pode ser o Deportivo de A Coruña que vai traer ao equipo alevín e benxamín, e tamén imos ter a presenza do Club Deportivo Lugo, como non podía ser doutra maneira. Ademais este ano ten como novidade que a organización quixo facer un torneo de fútbol de veteranos, que entendemos que vai ser un atractivo máis”.
Ramiro Fernández quixo “desexar que saia todo da mellor maneira posible e desde o Concello seguiremos apostando como fixemos sempre por este tipo de eventos”.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
