Cervo, 27 de setembro de 2017.- O Concello de Cervo colaborará co club Medela na posta a punto das diferentes rutas de mountainbike que discorren polo municipio; e que foron habilitadas no seu día polo propio club local.
O alcalde de Cervo, Alfonso Villares, e o edil de Deportes, José Ramón Soto, acompañados polos membros do Club David Riera e Víctor Riera; supervisaron a pé algúns dos tramos que suman un percorrido total duns vinte quilómetros para coñecer os trazados, e ver o estado no que se atopan a día de hoxe e, efectivamente, tal e como nos fixeron chegar dende o Club “son necesarios importantes traballos de roza e limpeza para poder practicar con garantías este deporte”, sinalou Villares.
Polo Concello de Cervo, transcorren tres tracks, que foron trazados no seu día polos membros do club Medela e bautizados como Secret trail, Farallones e Cambers; eles mesmos son os encargados do seu mantemento pero “pedíronnos axuda pola dificultade que entraña para eles, ao non disponer dos medios e maquinaria axeitada, e loxicamente, contarán coa colaboración do Concello, como tentamos colaborar sempre cos colectivos e asociacións que así o requiren na medida das nosas posibilidades; e mobilizaremos persoal municipal “para que a ruta estea en bo estado durante todo o ano, para que os amantes do MTB poidan desfrutar dela, pero tamén para fomentar a práctica deste deporte, da man duns traxectos coidados e adaptados, que son ao tempo un reclamo máis para o noso Concello e que permiten gozar dunha panorámica única do municipio”.
O Club Medela organiza cada mes de marzo a Ruta de Enduro Medela MTB, duns 35 quilómetros en total e 1300 metros de desnivel acumulado, que cada ano atrae a máis participantes, superando a cifra dos 200 na pasada edición, que foi a oitava “pero a idea é que as rutas estean perfectamente transitables, non só para esa competición, senón durante todo o ano”.
Nos vindeiros días iremos facilitando a través das diferentes redes sociais e da páxina web unha completa información dos tramos de mountanbike que discorren polo Concello de Cervo, “co obxectivo de que todos aqueles amantes deste deporte poidan coñecer as rutas, ver o percorrido, para que se animen tamén a visitarnos”.
Villares destacou así mesmo o compromiso do Concello de Cervo co deporte no seu conxunto, co obxectivo de promovelo entre todas as persoas de todas as idades; animándoos a que practiquen diferentes deportes, coa liberdade de escoller aquel que máis lles guste, “porque é importante, sen dúbida ningunha, que Cervo se identifique como un Concello que aposta polo deporte, en todas as súas facetas”.
O Concello de Cervo colaborará co club Medela na posta a punto das rutas de mountainbike do municipio
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
