Este domingo 17 de setembro, o Toxiza Clube De Montaña abriu a súa primeira ruta polo Xistral. Unhas oitenta persoas desfrutaron dunha ruta diferente, sen sendeiros marcados, pensada exclusivamente para desfrutar da natureza e observar as marabillas que se poden atopar no Xistral e na súa contorna.
Denominada polo seu artíficie Xurxo Pedreira como “Ruta Das Fragas”, foi unha ruta que discorreu 17 km polos concellos de O Valadouro e Alfoz, pasando polas parroquias de O Cadramón e O Pereiro.
O punto de partida foi a Capela De Santa Filomena no Cadramón. Dende alí, a ruta seguiu pola Fraga da Furna, cunha fauna e flora únicas, onde os sendeiristas tiveron que cruzar en varias ocasións o río Ouro que por ela discorre, para logo subir ao Pico Verde, situado entre o Coto Do Cadramón e os montes do Fontao, Sameón e Lombo Pequeno. Nesta subida, poideron disfrutar dunhas vistas impresionantes do corazón da Serra do Xistral.
A continuación, seguiron a andaina polos montes da Parada e Veiga Rubia, pasando a carón do do río Masma cerca do seu nacemento, para chegar a outra fermosa fraga, a Fraga de Moradoira, na parroquia do Pereiro. Dende esta fraga dirixíronse ata un abrigo natural de gando coñecido como “Pena Das Banzas”, o cal chama a atención polas súas grandes dimensións.
Xa no traxecto final, a ruta discorreu pola Fraga das Curuxeiras, no Pereiro, cruzando polos Chaos ata o Cadramón para voltar ao punto de partida pola Fraga do Muíño das Folgueiras, Ponte da Abilleira e Fraga Do Xibao.
Dende o Toxiza Clube De Montaña queremos dar as grazas a todas as persoas que participaron e colaboraron para que esta ruta fose posible.
O Toxiza Clube De Montaña abriu a súa primeira ruta polo Xistral
Relacionado
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
