Lugo, 28 de xaneiro de 2018. O Deputado de Cooperación cos Concellos e Medio Ambiente, Argelio Fernández Queipo, informou sobre o anteproxecto que Deputación de Lugo, Principado de Asturias e 16 Concellos galegos e asturianos presentaron ao Goberno Central, concretamente a responsables do Ministerio de Medio Ambiente nunha reunión que mantiveron en Madrid cos mesmos, para a xeración da Gran Senda do Navia.
Trátase dun grande espazo natural de 428 quilómetros, seguindo o curso do Río Navia e discorrendo por 7 Concellos de Lugo (Negueira de Muñiz, A Fonsagrada, Navia de Suarna, Cervantes, Becerreá, As Nogais e Pedrafita do Cebreiro) e 9 de Asturias (Allande, Boal, Coaña, Grandas, Ibias, Illano, Navia, Pesoz e Villayón).
O anteproxecto presentado implica a dotación dunha senda peonil e cicloturista nesta grande zona natural, que conta con importantes recursos patrimoniais, culturais, etnográficos… ademais de conectar cos Camiños Francés, Primitivo e Norte, así como co Camiño Natural da Cordillera Cantábrica ou co Sendeiro da Cornisa Atlántica.
Fernández Queipo destacou que “con este iniciativa, Deputación, Principado de Asturias e Concellos, sumamos esforzos para xerar riqueza a través do turismo e do medio ambiente, aproveitando e poñendo en valor o sen fin de recursos únicos cos que conta nesta fermosa e ampla zona. É unha oportunidade única para facer fronte ao despoboamento demográfico que sufrimos e dinamizar a economía local”.
O Deputado, tamén Alcalde da Fonsagrada, explicou que “presentamos este anteproxecto ao Goberno Central na busca da súa colaboración, como administración coas competencia na materia. Queremos concorrer ás axudas do programa estatal Camiños Naturais, tendo en conta que para o seu desenvolvemento é preciso acadar un financiamento duns 4,2 millóns de euros. Necesitamos uns 10.000 euros por quilómetro para levar a cabo tarefas de sinalización, desbroce, acondicionamento de áreas de descanso, melloras no firme das estradas, en canalizacións, traídas de auga ou en saneamentos, ou reconstruír infraestruturas existentes, entre outros traballos”.
Posta en valor de recursos únicos no rural
Os Gobernos de Deputación, Principado de Asturias e dos 16 citados Concellos decidiron poñer en marcha esta iniciativa pola oportunidade económica única que supón, nunha firme aposta conxunta polo medio ambiente e o turismo. A senda establecería unha tripla conexión coas rutas de peregrinación a Santiago, concretamente cos Camiños Francés, Primitivo e Norte, así como co Camiño natural da Cordillera Cantábrica e co Sendeiro da Cornisa Atlántica. Ademais, suporía a posta en valor de atractivos etnográficos, patrimoniais ou naturais de ditos 16 Concellos. Por exemplo:
en Negueira de Muñiz, do encoro de Salime, determinado como Zona de Especial Conservación Negueira-Rede Natura 2000, da área recreativa da Virxe da Veiga, da aldea de Ernes ou da Feira do viño. Na Fonsagrada, da seimeira de Vilagocende e das de Queiroxo (ruta); do castro de Castañoso, fortaleza da Pobra de Burón, Camiño Primitivo, dolmen ou dos restos do antigo hospital de peregrinos de Montouto. En Navia de Suarna, da fortaleza medieval e ponte medieval sobre o río Navia, área recreativa do Navia, cabanas de pan do Zarco, porto Ancares. En Cervantes; do castro de Santa María, castelo de Doiras, fortaleza de Quindós, aldea de Piornedo, igrexa de Donís, rutas como a de Tres Bispos e a do pico Mustallar. En Becerreá, ponte de Gatín, pertencente á vía romana XIX, o Mosteiro de Santa María de Penamaior, a ruta Quintá- Río Donsal, a ponte de Cruzul, a Zona de Especial Conservación Cruzul-Agüeira ou os bosque dos Grobos. Nas Nogais, as Torre de Doncos e de Torés, igrexa de San Andrés, pazo de Doncos, rutas de sendeirismo varias e Zona de Especial Conservación Cruzul-Agüeira, incluída na Rede Natura 2000). En Pedrafita do Cebreiro, Camiño Francés, a aldea do Cebreiro, ou o monumento ao peregrino no alto de San Roque.
Características do anteproxecto
O anteproxecto implica o deseño dunha ruta que aproveita os camiños tradicionais existentes e enlaza con diferentes recursos turísticos de carácter patrimonial, natural, arquitectónico e etnográfico; buscando en todos os casos os mínimos custos de construción e mantemento. Ademais, a Gran Senda do Navia busca atravesar o maior número de aldeas posible, sempre preto do canle do río Navia, cos menores desniveis posibles e conectando lugares de interese ou singulares. Por exemplo, poderanse crear sendas ás dúas marxes do río e incluso realizar enlaces entre ambas as dúas marxes a través da construción de pasarelas, pontes ou presas.
Entre as intervencións máis urxentes á realizar no territorio destacan a instalación de sinalización horizontal e vertical; desbroces, mellora das áreas de descanso, canalizacións, traídas de auga e saneamentos; mellora do firme de estradas ou reconstrución de infraestruturas xa existentes, entre outros.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
