Lugo, 16 de maio de 2018. O Deputado de Relacións Institucionais, Álvaro Santos Ramos, e o Alcalde de Xermade, Roberto García Pernas, supervisaron hoxe as importantes melloras feitas pola Deputación na estrada LU-P-2204 que comunica Momán e As Pontes de García Rodríguez. O Goberno provincial leva investidos máis de 654.000 euros en melloras nesta vía, da que xa van remodelados dous treitos de 4 kilómetros, atendendo ás demandas veciñais, tal como destacou Álvaro Santos. Mentres, os veciños seguen a reclamar á Xunta as melloras comprometidas reiteradamente na estrada autonómica LU-170, por iso, “pedimos á Xunta que atenda as demandas que lle fan os veciños e que leve a cabo dunha vez as melloras tantas veces prometidas nesa estrada autonómica, esta é unha gran necesidade porque se trata dunha vía fundamental para comunicar esta zona coa Mariña e para dar acceso ao Polígono Industrial”.
“Sete anos despois, a Xunta segue sen reparar esta estrada, garantindo as comunicacións e a seguridade dos 200.000 usuarios da zona norte da provincia. O Goberno do PP comprometerase a arranxar a estrada en 2011 e mesmo publicou o proxecto no DOG, cun investimento previsto de 8,5 millóns de euros. Catro anos despois rebaixou o investimento a 1,8 millóns de euros para mellorar o tramo de Cabreiros ao polígono industrial de Xermade, unha execución que tampouco levou a cabo o que provocou concentracións e protestas veciñais”, recordou o Deputado de Relacións Institucionais.
Pola súa parte, o Alcalde de Xermade lembrou que “o arranxo da estrada autonómica LU-170 é unha antiga reivindicación dos veciños de Xermade, que a Xunta de Galicia prometeu en moitas ocasións e non dá feito nada, este é un auténtico incumprimento por parte do Goberno de Feijóo”. “Parécenos unha gran discriminación, temos un polígono industrial paralizado como consecuencia de que non se toman medidas para arranxar 9 kilómetros dunha estrada autonómica que nos comunica coa Mariña, é das que peor está de toda Galicia e a Xunta está a marxinar a moita poboación, por iso lembrámoslle ao Presidente da Xunta de Galicia que non está cumprindo co rural como prometera”, manifestou García Pernas.
Melloras da comunicación con Santiago
O Deputado de Relacións Institucionais destacou que “coas obras de rexeneración que fixemos na LU-P-2204 quedan perfectamente acondicionados estes treitos dunha estrada que dá servizo aos veciños de Momán, esta é unha vía fundamental para a comunicación desta zona de Xermade con As Pontes de García Rodríguez”.
O Alcalde de Xermade salientou a importancia deste investimento da Deputación no municipio “porque é unha arteria de comunicación moi importante para toda a zona, xa que este é o camiño máis curto para os desprazamentos a Santiago de Compostela e aos aeroportos.
Santos Ramos e Roberto García inspeccionaron este mércores as obras que están a punto de rematar no treito da LU-P-2204 entre os puntos kilométricos 2 e 4, que tiveron unha dotación económica de 414.000 euros. Esta actuación supón a continuación dos arranxos feitos con anterioridade no treito entre os puntos kilométricos 0 e 2, que supuxeron un investimento de 240.000 euros.
Os traballos, que rematarán a semana que vén, consisten na remodelación integral do firme con aglomerado en quente, limpeza de cunetas, e incremento da seguridade coa instalación de sinalización horizontal e vertical.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
