Ribadeo, 18 de maio de 2018. Os 44 establecementos participantes na XIII edición do Ribadeo de Tapeo, serviron ata o momento arredor de 10.000 tapas, segundo os datos que baralla o Concello. A concelleira de Turismo, Ana Martínez, convida a disfrutar dos últimos días desta cita gastronómica que remata o domingo. O luns, 21 de maio, a partir das cinco da tarde, no hotel restaurante Voar, terá lugar a selección das tapas premiadas por parte do xurado profesional.
A edil ribadense contou que “durante esta semana de Ribadeo de Tapeo temos que dicir que os establecementos participantes, un total de 44, despacharon máis de 10.000 tapas, o que creo que supón un éxito como todos os anos, xa que aínda nos queda esta última fin de semana que agardamos que sexa un broche final como nas edicións anteriores, onde se sobrepasan estas cifras nunha cantidade bastante importante”.
Ana Martínez dixo que “os establecementos en xeral están moi contentos coa participación e escoitando ao público que proba as tapas di que hai innovación, tapas diferentes e combinacións suxerentes. Polo tanto para quen aínda non se achegou a Ribadeo a degustar este gastrofestival quero convidalos a vir a disfrutar da fin de semana a Ribadeo, co xogo de sabores do Ribadeo de Tapeo e todo o que supón tamén a nivel cultural e de actividades que poderán atopar durante estes días ”.
A concelleira de Turismo lembrou que “este venres no auditorio municipal haberá unha importante actuación a cargo do autor Miro Casavella xunto coa Coral Polifónica. Mañá, 19 de maio, á xente que lle apeteza ter un contacto coa natureza tamén poderá disfrutar dunha visita guiada, a partires das dez da mañá, dende a praia de As Catedrais polo espazo natural ata Rinlo. No Teatro haberá o concerto do Día das Letras Galegas, a partires das oito e media”.
Ana Martínez convida á xente “a aproveitar esta fin de semana para vir a disfrutar dos sabores a Ribadeo, para vir a participar cos amigos do Ribadeo de Tapeo, que sempre presenta innovación, sabores novos, novos xogos, novas mesturas, e novas tapas que os nosos hostaleiros e hostaleiras poñen dunha maneira cariñosa, con moito agarimo para que veñamos disfrutar. Ao mesmo tempo quero recordar que o público ten premio, que nesa ruta hai que selar as tarxetiñas que dan nos establecementos segundo vaiamos tomando a tapa, e depositalas como último día o domingo nas furnas que hai nos locais. O público pode elixir a mellor tapa e a suma destes puntos dará lugar ao premio do público e á mellor barra”.
Este domingo conclúe o XIII Ribadeo de Tapeo no que participan 44 establecementos, que ata o momento venderon 10.000 tapas
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
