Burela, 5 de xuño de 2018.- O Grupo Municipal do PP de Burela vén de presentar varias iniciativas para ser debatidas no Pleno ordinario que se celebrará mañá mércores, e fanno, segundo indican, “á vista da total inacción do alcalde e do seu goberno, que está máis centrado en campañas de imaxe e sesións fotográficas que en artellar proxectos de futuro para os veciños”.
Os populares entenden que a programación cultural está demasiado centrada en actos “de pago de entrada”, esquecendo outro tipo de manifestacións artísticas como a potenciación da Sala de Arte, por exemplo, ou o apoio a grupos musicales locais.
Igualmente, consideran que as bases de concesión de subvencións están demasiado centradas na colaboración co Concello, polo que determinados colectivos teñen complicado o acceso a esas axudas.
Por iso, destacan que sería importante a constitución do Patronato Municipal de Cultura, que estaría composto por representantes da corporación e dos colectivos culturais, para fixar programaciónsmáis abertas, asesorar en materia de bases de subvencións, ou marcar pautas para a potenciación de determinados ámbitos da cultura local, como a Escola de Música. Neste senso, emprazan ao alcalde a que no prazo de tres meses presente uns estatutos para seren debatidos en sesión plenaria.
Praias libres de fume de tabaco e beirarrúas sen cabichas
Os membros deste Grupo sinalan que a limpeza viaria “é manifestamente mellorable”. Tal é asi que, afirman, “temos recibido queixas de comerciantes e hostaleiros pola presenza de cabichas nas beirarrúas, o que dá unha imaxe negativa. Por iso, apostamos por colocar elementos de mobiliario urbano, como cinseiros, para evitar tal situación”.
Facendo fincapé no medioambiente, os populares, que remacan que cada vez hai máis concellos que o están a facer, entenden que se debería eliminar o tabaco en certas praias. Por iso propoñen que se adopten medidas para declarar praias libres de fume de tabaco ás d’O Cantiño e Ril, esta última bandeira azul.
Xogos adaptados para nenos con discapacidade
Por último, os populares levan ao Pleno de mañá un rogo para que, a semellanza doutros Concellos, nos parques de Burela se coloquen xogos e elementos para que poidan ser empregados por nenos e nenas con discapacidade. E é que deste xeito, destacan, “se garante a absoluta universalidade no disfrute dos parques, dándose un paso máis cara á accesibilidade e a velar pola calidade de vida dos nenos e nenas con discapacidade”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
