Lugo, 22 de outubro de 2018.- O pasado sábado, 20 de outubro, ADEGA celebrou con éxito a sétima edición da Limpeza Simultánea de Praias, unha actividade de voluntariado ambiental consistente na limpeza colectiva e reivindicativa en varias praias das tres provincias costeiras galegas. Ao tempo que se retiran parte dos residuos presentes nos areais, faise unha chamada de atención sobre a problemática do lixo mariño. Un ano máis, as delegacións de ADEGA en Lugo e na Mariña sumáronse a esta iniciativa, encargándose da coordinación da recollida manual de lixo na praia de Arealonga (concello de Barreiros), coa colaboración do Colectivo Cultural Ollomao.
A actividade desenvolveuse pola mañá, entre ás 12:00h e ás 14:30h, logo de que ADEGA explicase ás persoas participantes a importancia de reducir o consumo de plástico e o protocolo de actuación, e repartise o material preciso para a limpeza. Grazas ao esforzo de nove voluntarios/as, conseguíronse retirar 120 kg de refugallos que atentan contra a saúde dos ecosistemas costeiros, entre os que se atoparon numerosos plásticos de todo tipo, restos de cordas, redes, fío de nailon e outros obxectos de pesca, cabichas, lixo de hixiene persoal (especialmente, pauciños para os oídos), restos de calzado…
Chamou a atención a presenza no areal dunha enorme maraña de cordas, redes e fíos de nailon, na que se foi enredando todo tipo de lixo, especialmente material plástico. Tamén resultou chocante a aparición dunha alfombra, unha porción grande de feltro, similar á bandexa dun automóbil e ata unha bombona de osíxeno.
Esta actuación pretende dar visibilidade á problemática do lixo mariño e concienciar a cidadanía da importancia dunha axeitada xestión dos residuos e do consumo, podendo observar de primeira man a cantidade de refugallos que agochan as praias. Cada ano, uns 10 millóns de toneladas de lixo rematan nos océanos, na súa maioría procedentes da industria do mar, pero unha grande parte provén das achegas a través dos ríos, debido a unha mala xestión dos residuos en terra. Estes residuos vertidos no mar provocan graves consecuencias nos ecosistemas mariños, estimándose que máis de 1.000.000 de aves mariñas e 100.000 mamíferos e tartarugas morren cada ano, ao inxerir ou quedar enredados nos plásticos dos océanos. Ademais, poden afectar directamente á saúde humana, xa que moitos destes produtos conteñen substancias tóxicas, bioacumulativas e persistentes, que poden entrar na cadea alimentaria.
Desde ADEGA queremos agradecer a colaboración e solidariedade dos voluntarios e voluntarias que acudiron á nosa chamada de limpeza na praia de Arealonga e tamén o apoio do concello de Barreiros, encargado de proporcionar o material necesario para a retirada do lixo recollido.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
