Barreiros 14-6-19. O Bloque Nacionalista Galego e o Partido Socialista asinaron nesta tarde un acordo de investidura para o pleno que se celebrará mañá ás 12 da mañá.
No acordo asinado, o BNG comprométese a integrar á concelleira socialista no goberno, como responsable da concellería de servizos sociais, integrándose na Xunta de Goberno Local e ostentando a segunda tenencia da alcaldía. Para desenvolver estas funcións, contará con unha dedicación parcial por un importe de 12.600 euros brutos anuais. Pola súa parte, a concelleira do PSOE garante o voto favorable á candidatura de Ana Ermida como alcaldesa.
No acordo tamén se recolle que a alcaldía contará con unha dedicación exclusiva con un salario de 29.000€ brutos anuais. Desde o BNG sinalan que “tendo en conta a delicada situación económica, acadamos o compromiso de non incrementar os gastos salariais do goberno e, nese sentido, a suma das dúas dedicacións previstas mesmo será lixeiramente menor que o do alcalde saínte.”
No acordo tamén se recolle que a alcaldía contará con unha dedicación exclusiva con un salario de 29.000€ brutos anuais. Desde o BNG sinalan que “tendo en conta a delicada situación económica, acadamos o compromiso de non incrementar os gastos salariais do goberno e, nese sentido, a suma das dúas dedicacións previstas mesmo será lixeiramente menor que o do alcalde saínte.”
Desde o BNG manifestan que “a nosa prioridade estaba clara: responder ao mandato dado pola veciñanza o 26 de maio e desaloxar do goberno de Barreiros ao Partido Popular e a Alfonso Fuente. E con ese horizonte amosamos xenerosidade pensando no ben xeral do concello e na posibilidade de abrir unha etapa nova para Barreiros, na que o caciquismo e o amiguismo deixen paso á democracia, á transparencia e á igualdade entre as veciñas e veciños.”
Ademais diso, as formacións comprometeronse a lealdade programática para poñer en marcha medidas que consideran de máxima importancia, como a realización dunha auditoría, as xestións para a dotación dun centro de día, a revisión de contratos e convenios, a mellora da rede de saneamento existente e o comezo onde non existe, así como dos sistemas de depuración, a elaboración dun plan de uso das praias, un plan de investimento e mantemento de vías ou a modificación da normativa para permitir a participación veciñal.
A formación nacionalista valora como “moi positivo” o paso dado para cambiar de goberno e afirma que “é unha mostra de responsabilidade chegar a un acordo que garanta a elección do goberno que a xente elixiu nas urnas. Non podíamos permitir que o Partido Popular seguise ostentando o goberno nin un día máis, polo ben do noso Concello.”
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.