Burela, 4 de xullo de 2019. Satisfacción no Concello burelés tras ser declarada a Feira do Bonito como festa de interese turístico nacional. O alcalde, Alfredo Llano, asegura que se trata dunha grande noticia e para o concelleiro de Cultura, José Díaz, este galardón é xusto e merecido.
Alfredo Llano contou que “veño de recibir un correo onde se notifica ao Concello de Burela que, unha vez estudada toda a documentación na que se solicitaba a declaración de festa de interese turístico nacional á Feira do Bonito, a Secretaría do Estado de Turismo decidiu outorgarlle o título honorífico solicitado”.
Para o rexedor burelés “é unha gran noticia porque houbo moito traballo detrás. Hai que dicir que o concelleiro de Cultura, José Díaz, traballou a reo. Traballamos todos en xeral aquí no equipo de goberno, para acadar este título honorífico e polo tanto penso que é algo merecido. Burela merece este título derivado da importancia que ten para nós a pesca do túnido e o que representou sempre para a economía, para a sociedade e para a cultura pesqueira do noso concello”.
Llano engadiu que “se abre unha nova etapa con este recoñecemento, que esperemos que dea un resultado extraordinario para poñer a Burela no mapa do mundo e ao mesmo tempo para facilitar que se nos coñeza e poidamos ser visitados por moita xente durante todo o ano. Así que noraboa a todo o mundo que traballou a reo neste proxecto e que por fin ten o resultado demandado”.
Pola súa banda, José Díaz manifestou: “persoalmente estou moi contento e emocionado por conseguir isto, porque era un obxectivo desde que o levamos a pleno o goberno municipal en xaneiro de 2016. Traballamos moitísimo durante todo este tempo, máis de tres anos, para conseguilo, con todas as cousas que se piden para isto, que non é nada fácil. Apoiamos tamén desde o Concello a Ledicia nos últimos catro anos, sobre todo á hora de buscar actividades paralelas que fixeran a feira máis importante e máis grande, e tamén buscando pregoeiros que tiveran peso a nivel nacional. Tamén buscando as aparicións e entrevistas en medios de comunicacións nacionais, que quizais foi o que máis custou conseguir”.
O concelleiro de Cultura salientou que “estamos moi contentos tanto por Ledicia, que empezou con esta feira hai máis de tres décadas e tiraron dela durante todo este tempo ininterrumpidamente, como orgulloso polo pobo de Burela. En toda a provincia de Lugo soamente o Arde Lucus e as festas de San Froilán teñen este galardón de interese turístico nacional, e agora somos outra feira máis que consegue este recoñecemento. Penso que para o pobo vai ser unha forma máis de publicidade e de que nos coñezan porque isto supón, entre outras cousas, aparecer nas guías turísticas internacionais”.
O edil burelés comentou que “ademais a alegría é dobre porque falta menos dun mes para a feira e xa o podemos celebrar na mesma feira. Hai que agradecerlle a moita xente moitas cousas, sobre todo aos pregoeiros de altura que tivemos nas últimas tres edicións tanto Antón Losada como Serxio Pazos, que nos axudou moitísimo para traer aquí a Fernando Romay, a quen xa avisei da boa nova e deunos a noraboa a todo o pobo de Burela”.
José Díaz pensa que “é xusto o galardón e é un premio ao traballo feito por Ledicia e polo Concello que lle axudou, e por todos os anos que se leva facendo. É algo merecido totalmente. Hai que empezar a dar os pasos correspondentes porque supón facer novos convenios coa Xunta para que nos axude e manter este mesmo nivel. Danche o galardón, pero vixían como é normal que a feira siga tendo un alto nivel para que se manteña este premio. É algo para nós e para toda A Mariña, polo tanto todos temos que celebralo”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
