Burela, 7 de agosto de 2019. Máis de 2.000 persoas pasaron pola Oficina de Turismo de Burela durante o pasado mes de xullo, das que o 66% visitaban a vila por primeira vez. Os datos deunos a coñecer hoxe o concelleiro Ramiro Fernández Rey, que fixo un balance positivo dos mesmos. O barco museo Reina del Carmen recibiu a visita de 857 persoas.
O concelleiro de Turismo explicou que “seguimos notando un incremento no número de consultas na Oficina de Turismo. Neste mes de xullo chegamos a máis de 2.000 persoas que fixeron consultas ou preguntaron por información nesta instalación. Destacar que un 66 por cento desas persoas que viñeron era a primeira vez que visitaban Burela, o que entendemos que é un dato moi positivo”.
Fernández Rey contou que “por comunidades Madrid é desde logo a máis destacada con 560 consultas e tamén destacan a xente da propia Galicia e de Castela-León. Hai tamén outras comunidades das que temos visitantes como País Vasco, Cataluña ou Extremadura. É dicir, temos moita xente de moitos sitios de España que nos visitan e tamén notamos un certo incremento nos visitantes estranxeiros pois tivemos a 70 persoas facendo consultas que eran de fóra de España”.
O edil burelés dixo: “en canto ao barco museo, seguimos mellorando os datos do ano pasado pois recibiu a 857 persoas neste mes de xullo. Esperamos que en agosto esta tendencia evidentemente se incremente, como pasou todos os anos”.
Ramiro Fernández fixo un balance positivo destes datos: “polo tanto é un balance positivo o que facemos e esperamos que esta tendencia siga así. Burela cada ano está tendo máis visitantes e isto redunda en todo o pobo, especialmente na hostalería e no comercio, e esperamos seguir traballando e apostando polo turismo como unha fonte de riqueza e que incluso sexa posible a creación de postos de traballo a través deste sector”.
O concelleiro de Turismo engadiu que “tamén puxemos en marcha tanto as rutas da lonxa como as xeolóxicas, que están funcionando de marabilla, cunha ocupación do cen por cen en todas esas rutas. Co cal entendemos que son actividades arredor do turismo que desenvolvemos no Concello de Burela que están sendo positivas e que están facendo que cada vez máis xente se acerque a Burela e goce das nosas praias, dos nosos paseos e tamén da nosa hostalería e gastronomía”.
Máis de 2.000 persoas pasaron pola Oficina de Turismo de Burela durante o pasado mes de xullo
Relacionado
-
Rinlo acollerá o 1 de agosto unha nova edición da Festa do Percebe cun operativo de transporte e seguridade reforzado
-
O PSdeG de Xove reclama accións urxentes polo po en suspensión procedente da balsa de Alcoa
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
