Ribadeo, 26 de novembro de 2019. O Centro Integrado de Formación Profesional (CIFP) Porta da Auga, de Ribadeo, acolleu un curso de pinturas naturais, no que participaron 25 persoas, a maioría traballadores do sector, pero tamén asistiron algúns formadores.
O xefe do Departamento de Edificación e Obra Civil no CIFP Porta da Auga, José Méndez de Andés, explica que esta acción formativa “foi impartida pola empresa Decologic, que ten a representación das pinturas ecolóxicas que máis se están comercializando a nivel nacional. É unha pintura que ningún dos seus compoñentes leva ningún disolvente nin nada que poida danar a saúde. Presentaron os lasures e materiais de tintes para madeira e tamén pinturas para as paredes que temos habitualmente nas vivendas que evitan as condensacións e para xente que ten problemas de saúde, como asma. Estas pinturas favorecen a estas persoas porque non teñen ningún tipo de material nocivo, a diferenza do resto de pinturas. Tamén comentaron que este tipo de pinturas non son tan caras como algunha xente pensa senón que os seus prezos están entre un 5 e un 10 por cento máis que as pinturas comerciais máis habituais”.
A actividade comezou cunha charla técnica sobre os produtos naturais Biofa, na que falaron do seu impacto na saúde e na natureza e presentaron dos distintos tipos de tratamentos e os seus acabados. E despois fixeron unha demostración da aplicación de distintos tipos de pinturas e de diferentes tratamentos en madeira.
O CIFP Porta da Auga, de Ribadeo, acolleu un curso de pinturas naturais
Relacionado
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
