Lugo, a 11 de febreiro de 2020. Estimular o asentamento de empresas esixe crear as condicións idóneas en materia de infraestruturas e custes para o desenvolvemento dos proxectos empresariais. Neste sentido, o custe do solo industrial é peza clave das políticas para atraer empresas. Os polígonos industriais xestionados a través de Xestur ofrecen prezos moi competitivos; non ocorre o mesmo nos parques empresariais xestionados pola Entidad Pública Empresarial de Suelo (SEPES) e por Suelo Empresarial del Atlántico, S.L. (SEA). O Grupo Provincial do PP, que ten por portavoz a Elena Candia, defenderá unha moción no próximo pleno da Deputación para instar a SEPES e a SEA a rebaixar o prezo do solo nos parques empresarias por elas promovidos na provincia. Igualmente, demanda que a Deputación asuma os compromisos adquiridos por Suplusa, agora en liquidación, para construción e xestión, con prezos competitivos, de modo que se garanta aos concellos a continuidade dos parques empresariais que estaban programados.
Hai que recordar que a Entidad Pública Empresarial de Suelo (SEPES) promove na provincia de Lugo os parques industriais de Ribadeo e Sarria, mentres que Suelo Empresarial del Atlántico, S.L. (SEA) asume os de Monforte, Rábade e Mondoñedo. Polo tanto, son varios os concellos na provincia de Lugo cuxo desenvolvemento industrial depende de SEPES e de SEA e, polo tanto, do Estado. Á vista da actual situación é evidente que algúns destes parques empresariais non responderon, ata o momento, ás expectativas que suscitaron; o custo do solo converteuse nunha das principais dificultades para a súa ocupación. Os populares consideran que para que estes parques empresariais sexan competitivos co solo industrial desenvolto noutros concellos, dependente fundamentalmente da Xunta de Galicia, a través de XESTUR, ou no seu caso da Deputación Provincial, ata agora por medio de SUPLUSA, é preciso que a oferta de solo por parte de SEPES e SEA se efectúe a un prezo similar ao de outras administracións.
A Xunta de Galicia trata de incentivar a compra de solo industrial público por parte das empresas e para iso ofrece máis facilidades aos interesados en adquirir estes terreos. Con ese obxecto, o Goberno galego puxo en marcha unha liña de bonificacións no prezo das parcelas, ampliación dos prazos para facilitar os pagos ou, máis recentemente, o denominado dereito de superficie. O obxectivo final é incentivar a aquelas empresas que opten pola nosa provincia e pola nosa C.C.A.A. para xerar actividade económica e crear novas oportunidades de emprego. Existen fórmulas para facer do solo industrial dispoñible, ou futuro, espazos atractivos para a implantación de empresas.
Os deputados provinciais consideran que o Goberno galego vai na boa dirección á hora de decidir ofertar solo industrial a un prezo máis accesible. Desde que o PP accedeu á responsabilidade do Goberno en Galicia impulsa a posta en valor da infraestrutura industrial existente, desde o propio solo empresarial ata incentivos no aluguer, para atraer tanto novo investimento produtivo como impulsar a actividade interior, isto é, das empresas xa emprazadas na provincia que poidan precisar deste solo.
Esta proposta do Grupo Popular prodúcese cando se constatan os primeiros síntomas de desaceleración da economía. Por elo, é urxente facer que empresas e emprendedores recobren a confianza e impulsar a súa actividade inversora. Coa finalidade de impulsar os ditos parques empresariais, atraer investimentos que permitan fixar novas oportunidades profesionais, que incentiven o crecemento produtivo, económico e laboral nas comarcas nas que se ubican, é necesario que a institución provincial se dirixa a SEPES e a SME para que rebaixen o prezo do solo nos parques empresarias que promoven e xestionan na provincia de Lugo.
As actividades desenvólvense durante esta fin de semana na capela e a área recreativa do alto da Grela, que acollen os actos litúrxicos e a romaría respectivamente, con animación musical, verbena e un espectáculo infantil entre outras propostas.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
