Lugo, 18 de maio de 2020. O grupo provincial do PP reclama do presidente da Deputación, o socialista José Tomé, que convoque o pleno ordinario correspondente ao mes en curso e, previamente, como é preceptivo, as reunións das comisións. En abril non houbo pleno ordinario, polo que, en palabras do portavoz popular, Javier Castiñeira, “a Deputación leva pechada politicamente dous meses, algo inaudito nunha institución que xestiona un presuposto de 93 millóns de euros”. Mañá, martes, finalizará o prazo para a convocatoria das comisións. En abril non houbo sesión plenaria ordinaria.
O PP avisa de que sería unha grave irresponsabilidade por parte do presidente da Deputación non convocar pleno ordinario este mes. Castiñeira di que “nada hai que impida a celebración da sesión; por iso, pedimos que se convoquen as comisións e que o pleno se desenvolva con normalidade, coas medidas que sexan precisas e adecuadas ao momento que vivimos na desescalada do confinamento”.
Os populares mostran a súa estrañeza polo feito de que, ao longo de toda esta crise sanitaria, o presidente da Deputación non chamase nin nunha soa ocasión ao portavoz do grupo da oposición (PP), que é o que ten máis membros, para informar ou comentar o estado de cousas e buscar acordos moi necesarios en momentos tan delicados para a provincia. “Non entendemos tanto secretismo”, di Javier Castiñeira, “nin comprendemos o medo que parece ter o presidente a todo o que sexa debate, un medo que quedou de manifesto na súa teimuda negativa a convocar a reunión da xunta de portavoces que solicitamos, para deseñar e executar un plan de intervención directa da Deputación para axudar á provincia a superar as dificultades económicas derivadas da crise sanitaria”. Castiñeira puntualiza: “A Deputación ten que celebrar este mes pleno ordinario, ten que acabarse o tempo do secretismo e de gobernar a golpe de decreto”
Castiñeira declarou: “O caso é que, por decisión do seu presidente, a Deputación leva politicamente pechada dous meses, nos que se gobernou a golpe de decreto; está claro que Tomé, como Pedro Sánchez, atópase moi cómodo gobernando de modo presidencialista e a golpe de decreto”. Engadiu: “Aos socialistas, e aos seus socios nacionalistas, éncheselles a boca falando de participación cidadá, de necesidade de consenso, de democracia, pero, á hora da verdade, o que fan é todo o contrario: pechan a porta á participación, polo tanto á posibilidade de consenso e, como consecuencia, empobrecen a democracia. Isto que digo non é unha afirmación caprichosa, é o que poden ver e comprobar os lucenses: son feitos”.
De novo, e pese a que todas as chamadas ao diálogo feitas polo PP ao goberno provincial caeron en saco roto, os populares tenden a man para sumar, para traballar e colaborar para axudar a que a provincia supere canto antes as dificultades provocadas pola crise sanitaria e as súas consecuencias económicas. Castiñeira expresa unha sospeita: “Non sei se no goberno provincial non se estará confundido a nova normalidade da que fala Pedro Sánchez coa anormalidade democrática que se vive a día de hoxe na Deputación”.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
