Estimado Presidente.
Tómome a liberdade de dirixirme a vostede como militante socialista dende fai moitos anos. Por o feito de habelo avalado para que puidese presentarse o proceso de elección de Secretario Xeral do partido e por habelo votado en dito proceso.
Diríxome como extraballador de ALCOA e como mariñán preocupado por o futuro da fabrica de aluminio de San Ciprian e da Mariña en xeral.
A fabrica que ALCOA ten en San Ciprian foi inaugurada en Octubre de 1980 por o Presidente Leopoldo Calvo Sotelo, aínda que xa levaba en funcionamento un tempo.
Alí empezamos a vida laboral moitos rapaces, hoxe xa xubilados e relevados por novas xeracións, moitos deles fillos e netos dos que a inauguramos.
Desde esa data a fabrica converteuse no motor económico da Mariña e da provincia de Lugo, da que representa un terzo do seu produto interior bruto.
Dende sempre a empresa tivo que enfrontarse a dificultades. A maioría delas como consecuencia da complexidade que entrañan os procesos produtivos da obtención de Alúmina e Aluminio, así como do aleado do metal que ten lugar na fundición. Todas estas dificultades foron superadas por un grupo de traballadores que co seu esforzo e dedicación conseguiron facer o longo dos anos unha empresa modelo en seguridade, funcionamento e de calidade dos seus produtos.
Outras dificultades chegáronos dende o exterior do complexo e do proceso de produción: O cambio de titularidade en mais de unha ocasión, os prezos da alúmina, o aluminio e a enerxía …….…, e a chegada incomprensible dende o outro extremo de Galicia de uns bidóns con residuos tóxicos en decembro de 1987, que a dia de hoxe nos se sabe como acabaron en San Ciprian, e que ocasionaron a paralización das cubas. A maior crise ata o dia de hoxe. Todas estas dificultades foron superadas por un persoal humano entregado e comprometido.
Dende a súa posta en marcha pasaron por a presidencia do goberno Leopoldo Calvo Sotelo, Felipe González, José María Aznar, José Luis Rodriguez Zapatero, Mariano Rajoy e agora vostede. Nos momentos de dificultades que o longo destes anos tivo que enfrontarse a fabrica, todos eles tomaron as medidas necesarias e suficientes para manter a actividade e o proceso produtivo . Non sei si as medidas tomadas foron as mellores, pero en todo caso foron as necesarias e suficientes en cada momento.
Agora correspóndelle a vostede, e o seu goberno, tomar as medidas que sexan necesarias para manter a continuidade da actividade. Non queda outra. Si non o fai non so será o fin do proceso produtivo de obtención de aluminio, será tamén, e o que e mais grave, un golpe mortal a comarca da Mariña.
A Mariña lucense esta formada por 15 concellos que suman mais de 80000 persoas censadas. Esta fermosa e acolledora zoa norte da provincia de Lugo, esta a vivir unha importante crises industrial. As empresas mais significativas de cada concello foron cerrando sen continuidade, o sector do mar está a sufrir unha importante recesión como consecuencia, entre outras, dos cupos de capturas e os baixos prezos. Os portos de Burela e Celeiro xa non son o que eran fai uns anos. O sector gandeiro está sobrevivindo con enorme dificultades, os prezos da leite e dos produtos do campo case non cobren os custos de produción.
A Mariña dende sempre foi unha zona mal tratada por os diferentes gobernos, tanto autonómicos como estatais. Mentres moitas zonas presumen de AVE, nos non temos nin tren a capital da provincia. O tren da costa, o FEVE lento e arcaico, que une Ferrol con Oviedo ten o dia un só viaxe en cada sentido. Ata a autovía transcantabrica, a A8, abandona a Mariña, en dirección a Terra Cha, os poucos kilómetros de entrar na nosa terra, deixando as costas da Mariña e de Ortegal como as únicas do cantábrico sen autovía. E para colmo o abandonar a Mariña en dirección A Terra Cha regálanos O FIOUCO, un porto de montaña que moitos días o ano está pechado por néboa.
Pois ben, para esta comarca a fabrica de San Ciprian supón moito mais que unha empresa. Alcoa e o motor económico da comarca e paga en soldos directos os seus empregados o equivalente os presupostos anuais
dos 5 concellos mais poboados. Mais do 50% do total dos 15 concellos. A isto hai que engadirlle o que pagan as empresas auxiliares e todo o negocio que se desenrola o seu arredor. Moitos destes cartos van o
estado e a autonomía e concellos vía impostos. Aparte do consumo que os alcoanos fan na zona e na provincia.
O peche da fabrica de aluminio de San Ciprian sería un golpe tremendo para A Mariña e do que tardaría moitos anos en levantarse. Desexo, espero e confío en que tome vostede e o seu goberno a mellor decisión
que permita que a actividade produtiva se manteña na factoría de San Ciprian. Esta fermosa e traballadora terra o merecen e llo saberán agradecer.
Reciba un cordial saudo.
Fdo.: J. Fco Ramalleira Fraga
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
