Lugo, 09 de xuño de 2020. A candidata do BNG por Lugo, Olalla Rodil, participou na mañá de hoxe xunto con cargos orgánicos e institucionais do BNG na marcha de delegados e delegadas da CIG demandando unha saída xusta e en chave galega á crise económica, laboral, industrial e social que atravesamos. Segundo Olalla Rodil “se algo aprendemos da crise sanitaria do COVID-19 é que temos que reforzar os servizos públicos e poñer fin a máis dunha década de goberno do Partido Popular, con recortes orzamentarios e de persoal, especialmente en sectores como o da sanidade pública”.
“Precisamos unha sanidade forte e con recursos económicos e humanos, o que garantirá ás galegas e galegos poder gozar dun dereito universal como é o dereito á saúde”, declarou Olalla Rodil, que engadiu, “a partir do 12 de xullo desde o BNG comprometémonos a traballar para fortalecer os servizos públicos galegos”. A este respecto, Rodil declarou o compromiso do BNG de convocar as 6.000 prazas vacantes no Servizo Galego de Saúde. Segundo Olalla Rodil, “non podemos volver recortar en servizos públicos, o que supón unha perda de dereitos fundamentais para o conxunto do pobo galego”.
Olalla Rodil declarou que “sorprende que o candidato do Partido Popular fale de recuperar o persoal perdido pola taxa de reposición, que foi imposta polo seu partido no ano 2011 desde o goberno do estado”. “Isto impide contar cos recursos humanos necesarios nos servizos públicos galegos para garantir á poboación dereitos básicos como son a sanidade ou a educación”.
Olalla Rodil: “a partir do 12 de xullo desde o BNG comprometémonos a traballar para fortalecer servizos públicos galegos”
Relacionado
-
O PPdeG urxe ao Goberno central medidas de vixilancia permanente ante as interaccións de candorcas con embarcacións no litoral galego
-
A Deputación reforza a cooperación cos concellos e impulsa o tecido empresarial cun investimento de máis de 390.000€
-
O PPdeG reclama en Ribadeo que o Ministerio rectifique e manteña as paradas fixas no transporte estatal
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
