Burela, 23 de setembro de 2020. Arredor de 140 persoas usaron o servizo de préstamo gratuíto de bicicletas eléctricas, que o Concello de Burela puxo en marcha durante a Semana Europea da Mobilidade. A concelleira de Medio Ambiente, Toñi Eijo, fai un balance positivo da participación no programa de actividades.
A edil dixo que “a Semana Europea da Mobilidade de Burela desenvolveuse con normalidade, dentro da nova normalidade, e con moita participación nas actividades programadas ao longo da semana, se ben é certo que decidimos reducir a oferta por mor da pandemia que estamos a vivir”.
Toñi Eijo subliñou que “durante toda a semana tivemos como novidade un sistema de préstamo gratuíto de bicicletas eléctricas, que foi un éxito rotundo, xa que arredor de 140 persoas fixeron uso desta iniciativa, mostrando a súa total satisfacción ao respecto. Outra novidade deste ano foi o Concurso de Selfies en Instagram. Había que subir un selfie relacionado coa mobilidade e o lema deste ano Por unha mobilidade sen emisións e etiquetarnos. A participación foi moi boa e darase a coñecer @ gañad@r a través do Instagram da Delegación de Medio Ambiente. @ gañador@ elixirase por sorteo e acadará unha cea valorada en 100 euros no local de hostalería de Burela que elixa”.
A concelleira de Medio Ambiente lembrou que “o mércores 16 tivemos as charlas de Educación Vial, impartidas por persoal da DXT, cos alumnos e alumnas de 4º de Primaria dos CEIPS de Burela. Esta é unha actividade que repetimos todos os anos, xa que tanto a nós coma aos docentes parécenos de vital importancia que os rapaces e rapazas saiban desprazarse de xeito seguro polo pobo e así evitar accidentes. O venres 18 levouse a cabo o Obradoiro de Xabóns Artesanais e Medicinais, que tivo moitísima demanda, de feito quedou xente en lista de agarda. Levamos varios anos ofertando obradoiros para adultos con temática relacionada coa sostibilidade e sempre teñen moi boa acollida, por iso a nosa intención é seguir ofertando máis ao longo do ano. O sábado 19 desenvolveuse un Obradoiro de Cartón destinado ao público infantil, onde os máis peques da casa disfrutaron creando xoguetes con cartón. E o domingo 20 tivemos a Xeoruta do Monte Castelo, englobada dentro da oferta de xeorutas que facemos ao longo do verán e que ano tras ano son un éxito asegurado. De feito estamos encantados coa acollida das Xeorutas, tanto por parte da poboación local como por parte dos turistas. Ademais este día tivemos un tramo da rúa Rosalía de Castro pechada ao tráfico, dende as oito da mañá ata as oito da tarde, celebrando así o Día Sen Coches, e permitindo aos veciños e veciñas disfrutar dunha zona libre de coches”.
Eijo engadiu que “as actividades previstas cos IES os días 21 e 22 de setembro tiveron que aprazarse para máis adiante, xa que tamén se adiou o inicio das clases en Secundaria”.
A edil burelesa indicou: “queremos sinalar que esta foi a nosa 14ª participación na Semana Europea da Mobilidade, sendo un dos poucos Concellos galegos que participa programando actividades durante toda a semana, celebrando o Día Sen Coches e implantando algunha medida permanente de cara á mobilidade sostible, as tres modalidades posibles. Este ano participaron un total de 530 pobos e cidades españolas e a nivel europeo 2916 localidades. Dende o Concello de Burela temos a intención de seguir participando nos anos vindeiros, xa que consideramos de vital importancia avanzar cara novas formas de mobilidade máis sostible”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
