Lugo, 3 de outubro de 2020. O Presidente da Deputación de Lugo, José Tomé Roca, xunto coa Deputada de Réxime Interior, Promoción do Territorio e Turismo, Pilar García Porto, participou este sábado na clausura das Xornadas de Estudos Históricos do 800º Aniversario da Vila de Castro de Ouro que se celebran esta fin de semana no Concello de Alfoz e coas que colabora a institución provincial.
Tomé Roca salientou que “un oitavo centenario é unha ocasión inmellorable par falar da historia dun municipio. As terras de Alfoz contan con testemuña de poboación en tempos prehistóricos, con restos megalíticos e, por suposto, con abundantes pegadas da cultura castrexa, como o propio Castro de Ouro”. Na súa intervención, felicitou ao Concello por organizar estas xornadas que tentan achegar á veciñanza a historia e a cultura que atesoura a súa localidade, pois “a historia é sen dúbida unha gran mestra, a que nos ensina cousas que ás veces temos esquecidas, ás que non lles damos o suficiente valor”.
O mandatario provincial quixo facer un pequeno repaso por algúns dos fitos máis relevantes que marcaron a historia deste concello mariñán, sen esquecer a importante pegada que o Mariscal Pardo de Cela deixou dende o seu axustizamento en Castro de Ouro ou a importancia da puxante industria téxtil do século XVIII. “Penso que temos que reivindicar estes episodios de progreso e de liderado históricos para poñer en valor o pasado, pero tamén para afianzar o impulso do futuro deste concello e desta comarca”.
Estas xornadas desenvolvéronse ao longo do venres e sábado, coa presenza de historiadores e expertos en cada unha das materias. As conferencias foron gravadas polo Servizo de Audiovisuais da Deputación para posteriormente poder visualizarse en Internet, tendo en conta que o aforo para participar estivo limitado polas medidas de prevención do coronavirus Covid-19. O evento tamén incluíu unha visita guiada ao patrimonio arqueolóxico, histórico e artístico do concello.
Apoio da Deputación
Ademais, neste encontro con veciños e veciñas de Alfoz, Tomé Roca mandoulle mensaxes de apoio e de ánimo, tendo en conta que “estamos vivindo momentos moi complexo e difíciles, pola crise provocada pola pandemia do coronavirus, pero tamén pola ameaza de peche da planta de Alcoa, un motor económico e laboral, tanto para A Mariña como para toda a provincia”. O Presidente trasladoulles o firme compromiso da Deputación cos traballadores da factoría e das empresas auxiliares e afirmou que agarda que se chegue a unha solución viable para a comarca e que garanta a viabilidade da planta.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
