Lugo, 8 de outubro de 2020. O Presidente da Deputación de Lugo, José Tomé Roca, mantivo este xoves no Pazo de San Marcos un encontro co voceiro socialista no Parlamento galego, Gonzalo Caballero, para trasladarlle e explicarlle as propostas da provincia para os Orzamentos da Xunta de Galicia 2021. Concretamente, as iniciativas presentadas polo mandatario provincial na reunión xiraron en torno a catro cuestións fundamentais: as infraestruturas, un Plan de Dixitalización, un Plan de Industrialización e a recuperación e reforzo do Estado de Benestar.
José Tomé salientou que a Deputación “é unha institución pegada ó territorio, ós concellos, á sociedade e ó tecido produtivo da provincia. Por iso, temos un coñecemento real e preciso do que a provincia de Lugo necesita para saír da crise provocada pola pandemia da mellor maneira posible, para impulsar o desenvolvemento social e económico da provincia dun xeito equilibrado e sostible no tempo e para fixar poboación, sobre todo no rural. Dende ese coñecemento da provincia que nos dá estar pegados ó territorio, facemos unha batería de propostas que cremos que deben recoller os Orzamentos 2021 da Xunta de Galicia”.
Infraestruturas
O rexedor provincial explicou que “dende que goberna Feijóo, as infraestruturas necesarias para vertebrar e desenvolver a provincia, ou ben desapareceron das previsións da Xunta ou ben están paralizadas. Hai exemplos moi claros. Once anos despois, seguimos esperando pola Vía de Alta Capacidade (VAC) Costa Norte, polo acceso ó porto seco de Monforte e polo desdobramento completo do corredor Lugo-Monforte en autovía. Neste caso, si que se fixo algo, pero sen sentido. Comezouse polo tramo Sarria-A Pobra de San Xiao, cando o treito que ten máis intensidade de tráfico é o de Lugo-A Pobra”.
“Dende a Deputación de Lugo, pedimos que a Xunta salde estas débedas históricas e todas as que ten coa provincia de Lugo en materia de infraestruturas”, remarcou Tomé.
Plan de Dixitalización
“Para fixar poboación no rural e favorecer o seu desenvolvemento económico é imprescindible un Plan de Dixitalización que elimine todas as zonas de sombra que hai na nosa provincia dotándoas de cobertura e de servizo de telefonía móbil e de internet. Non pode ser que, mentres a Xunta presume de despregar o 5G, siga habendo amplas zonas do noso rural sen cobertura”, denunciou o Presidente.
José Tomé manifestou que “a pandemia acentuou as desigualdades provocadas pola fenda dixital e puxo de manifesto a urxencia de garantir un servizo de calidade de móbil e de internet, para poder manter a poboación e para impulsar a actividade económica: para que os nosos produtores poidan vender por internet nun mercado global; para facer trámites administrativos; para que os rapaces poidan estudar en igualdade de condicións; e para garantir o teletraballo”.
Plan de Industrialización
José Tomé lembrou que dende a Deputación lévase reclamando dende hai moito tempo un Plan de Industrialización. “O Estatuto de Autonomía di que as competencias en Industria son da Xunta. Por iso, o Goberno galego debe levar ó Parlamento un Plan de Industrialización para Galicia e para a provincia de Lugo. Un plan que poña en valor os recursos primarios que xa temos, e que favoreza a segunda e a terceira transformación dos produtos para que o valor engadido quede aquí. Un plan industrial que impulse o desenvolvemento harmónico do territorio, sobre todo do rural, que mellore a calidade de vida da xente e que fixe poboación”.
Sobre a situación de Alcoa, o Presidente destacou a importancia de diversificar a produción industrial. “Toda unha comarca non pode depender dunha soa empresa. Estámolo vendo na Mariña co grave problema provocado polo capricho de marchar e de pechar dunha multinacional, como é Alcoa, á que, por certo, a Xunta lle veu facendo o xogo por interese electoral. O Goberno do Estado é o que está poñendo sobre a mesa solución reais, tanto de compradores externos privados, como é a oferta de Liberty House, como a adquisición pola SEPI. A Mariña e a provincia teñen que manter a actividade da planta de Aluminio, pero tamén deben implantarse outras actividades industriais que favorezan ou seu desenvolvemento e que, en situación de crise, impidan que a economía de toda unha comarca ou dunha provincia dependan dunha soa empresa”.
Recuperación dos piares básicos do Estado de Benestar
En materia de benestar, o máximo responsable provincial esixiu un modelo que cubra as necesidades do conxunto do territorio da provincia, con servizos públicos de calidade e que non desarraiguen á poboación, tanto en materia de sanidade e de servizos sociais, como de educación. Cunha poboación tan dispersa e envellecida como a provincia de Lugo, José Tomé demandou máis profesionais.
“Aínda que non está entre as nosas competencias, na Deputación temos un modelo propio de atención sociosanitaria que aplicamos nos nosos Centros de Atención a Maiores, un modelo que está demostrando moi bos resultados, sobre todo neste contexto de emerxencia sanitaria. Un modelo público, de calidade, de proximidade, que sitúa no centro ás persoas, e que garante o benestar e a tranquilidade, tanto dos usuarios, como das súas familias”, destacou Tomé Roca.
Foro de recuperación
O Presidente tamén demandou máis diálogo e colaboración institucional e propuxo crear un foro coa Xunta de Galicia onde estean representadas as 7 grandes cidades da comunidade galega e as 4 deputacións provinciais co obxectivo de afrontar a recuperación da crise derivada do coronavirus Covid-19.
Orzamentos do Estado
Tomé Roca abordou ademais no encontro con Gonzalo Caballero as propostas da Deputación de Lugo para os Orzamentos do Estado para o 2021. Entre as principais demandas, reivindicou a creación dunha autoridade portuaria propia para a provincia de Lugo, “unha demanda histórica que reúne un gran consenso social e político. Somos a única provincia marítima do Estado cun porto de interese xeral que non ten autoridade portuaria propia, e é o momento de rematar con esta anomalía”.
Tamén pediu as partidas necesarias para avanzar na chegada do AVE a Lugo, o inicio das obras da A-76 (Ponferrada-Ourense) e que se complete a A-54 (Lugo- Santiago).
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
