Lugo, a 24 de novembro de 2020. Ao rematar a sesión plenaria ordinaria da Deputación, os membros do grupo popular viron acrecentada a súa impresión de que o goberno provincial actúa como se tivera algo que ocultar en relación coa extinción da sociedade provincial Suplusa. O portavoz dos populares, Javier Castiñeira, sinala: “Estamos absolutamente sorprendidos porque o presidente da Deputación de Lugo, o socialista José Tomé, non quixo contestar á pregunta que lle fixo o PP para saber quen autorizou que Tragsa puidese utilizar a maquinaria e equipos de Suplusa, sen que esta sociedade provincial dera permiso para elo”.
Castiñeira engade: “O presidente Tomé deu largas e dá un pouco a idea de que, en relación con Suplusa, este goberno ten algo que ocultar. Preguntamos novamente quen foi o responsable político que autorizou o uso da maquinaria de Suplusa sen a autorización da sociedade provincial, e tampouco tivemos resposta e é algo que debemos saber antes do pleno para a extinción de Suplusa; non podemos pechar, extinguir esta sociedade provincial con estas dúbidas”. Na mesma sesión, o PP presentou dúas iniciativas para que o goberno presidido por José Tomé dea a coñecer o valor de uso da maquinaria de Suplusa utilizada por Tragsa desde xaneiro deste ano, así como para que no expediente de extinción de Suplusa se inclúa manifestación expresa do presidente da Deputación de que seguen vixentes os convenios establecidos entre os concellos e esta sociedade provincial.
Por outro lado, o portavoz dos populares di que, como balance xeral deste pleno ordinario, están satisfeitos. Por un lado, explica Castiñeira, porque “a moción do noso grupo coas emendas aos orzamentos xerais do Estado para 2021, no que se refire á provincia de Lugo, que son moi necesarias, saíron adiante porque foron apoiadas polo BNG; esperemos que no Congreso dos deputados tamén se teñan en conta”.
Castiñeira di que os deputados do PP tamén saíron satisfeitos “porque o goberno provincial deu marcha atrás e aplicará a opción que expuxo o PP de encargar unha asistencia técnica para buscar a mellor solución para atender a demanda dos veciños e dos concellos afectados pola limitación ao paso de vehículos de menos de 10 toneladas pola ponte de Uriz (Santo Estevo), na zona de Outeiro de Rei, que afecta a catro municipios”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
