Santiago de Compostela, 9 de marzo, 2021.Pleno. A portavoz en materia de Pesca do BNG, Rosana Pérez demandou “un acordo” de todas as forzas políticas para reclamar “un incremento” da partida destinada ao sector pesqueiro de 2,2 M€ para todo o Estado español, cantidade que cualificou “inaceptable” e ante a que propuxo “un acordo” de todas as forzas políticas para fixar unha contía compensatoria que debe ser defendida no Congreso e Parlamento europeo.
Na súa intervención, a deputada afeou que a conselleira do Mar non comparecera dende o 16 de decembro, data do consello anual de ministros de pesca da Unión europea que decidiu a cantidade e especie a pescar pola a frota galega durante o 2021. “Vostede nunca está”, non estivo o 16 de decembro, non estivo o 24, non estivo en todo o mes de febreiro cando numerosos bancos marisqueiros deste país quedaron arrasados, non está agora cando se necesita unha verdadeira resposta contundente á dirección Xeral de Asuntos Marítimos e de pesca da UE. Vostede, engadiu, viaxou a Bruxelas ao Consello anual de Ministros en decembro para traer o mesmo que trae todos os anos, “recortes e redución da capacidade pesqueira da nosa frota”.
Para a deputada, a “falta de peso político de Galiza”, no estado e na UE, quedou de manifestou no acordo do Breixt. Ante este acordo, a conselleira do Mar respondeu “culpabilizaando do resultado ao goberno español e a propia UE”.
Ademais, engadiu que a falta de sensibilidade da conselleira quedou retratada nas afirmacións da titular da consellería asegurando que , “vai a haber que pensar en fixar unha cota mínima de pescadores para garantir a súa sostibilidade”, esa era a súa solución ao acordo, salientou Rosana Pérez, “eliminar mariñeiros”, comprenderá vostede que non nos expliquemos como a día de hoxe, “aínda continúa sentada nese escano”.
O Brexit, explicou, sáldase cun acordo que remata no 2026, (5 anos) e que implica que a frota europea, incluída a galega, renuncia a un 25% das capturas nos caladoiros do Reino Unido e, no caso das Malvinas, aínda están por decidir os aranceis.70 barcos galegos nos caladoiros do Reino Unido: 60 no Gran Sol (1.400 mariñeiros), 20 en Malvinas (400 mariñeiros), aos que hai que engadir 36 buques de bandeira británica e capital galego. Despois do 2026, as negociacións faranse anualmente, especie a especie e supoño que ninguén pensará que despois deses 5 anos, recuperaremos a cota perdida. No mellor dos casos, recalcou a deputada, “haberá que pelexar cada ano por minimizar os recortes de capturas”, unha situación agravada pola distribución anual de Tacs decididos pola UE cun reparto que, ano tras ano, prexudica a Galiza. A frota das Malvinas, remarcou, enfróntase a soportar aranceis que poden ir ata un 18% e ademais os buques de capital galego e bandeira británica están ameazados pola posíbel normativa do Reino Unido para asegurar un maior peso de capital británico no sector e polos dereitos de cidadanía dos seus mariñeiros galegos que poden verse afectados.
Tras lembrar o acordo parlamentario aprobado por unanimidade no Parlamento galego para tramitar o recoñecemento de Galiza como “zona altamente dependente da pesca” e mellorar o acceso ás cotas de pesca e financiamento da actividade produtiva, así como demandar do goberno do Estado a revisión do “principio de estabilidade relativa” para garantir un equilibrio axustado e equitativo a cada país, a nacionalista volveu a propoñer “un acordo” para incrementar a partida do fondos europeos destinados ao sector pesqueiro e o compromiso de defender este acordo no Congreso e na UE.
Tras a intervención da conselleira, que eludiu pronunciarse sobre as propostas formuladas pola deputada do BNG, Rosana Pérez reiterou que urxe reclamar o incremento da partida para compensar ao sector pesqueiro e manter aos grupos parlamentarios informados porque o único que coñecemos son as declaracións á prensa. Hai que tomar decisións “áxiles e efectivas” porque o sector non pode seguir agardando e “o peor do Brexit está por vir”, concluíu.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
