A Mariña, 14 de abril de 2021. A Mancomunidade, co apoio da Fundación Juana de Vega, comezou a traballar no Plan de Sustentabilidade Turística en Destino para A Mariña Lucense para presentalo á nova convocatoria de axudas, logo de que o vicepresidente da Xunta, Alfonso Rueda, manifestara en Xove o seu compromiso de solicitar á Secretaría de Estado de Turismo o plan para A Mariña neste 2021.
Durante esta semana representantes da Mancomunidade e dos Concellos, xunto coa Fundación Juana de Vega, mantiveron unha reunión de traballo para revisar a nova convocatoria ordinaria para o ano 2021 da Secretaría de Estado de Turismo.Tamén se mantivo unha xuntanza co tecido asociativo da comarca, onde foi presentado e analizado dito plan xunto ao sector privado turístico.
O presidente da Mancomunidade, Fran Cajoto, explicou que “desde a Mancomunidade de Concellos da Mariña este ano de novo imos optar ao Plan de Desenvolvemento de Turismo Sostible, que sería moi importante para a comarca porque son uns recursos cuantiosos, estamos a falar de que ata 4 millóns de euros se poden solicitar este ano. Sería un plan a tres anos que a verdade é que nos posicionaría no eido turístico nun moi bo lugar”.
Para Fran Cajoto “a Mariña ten uns recursos moi importantes que temos que explotar, sabemos que temos aínda moito campo de mellora e o que hai que facer é traballar, para iso necesitamos eses fondos e un plan coordinado de todos os concellos e niso estamos todos comprometidos.
Estou moi satisfeito de como todos os Concellos, independentemente da súa cor política, están concienciados con esta necesidade. Tivemos unha reunión o luns de todos os municipios, tamén este martes mantívose unha reunión de traballo con organizacións económicas, desde a Asociación Provincial de Empresarios de Hostalería ata a propia Federación de Comercio da Mariña e outros organismos que están representados a distintos niveis, coa idea tamén de sumar. E grazas á colaboración da Fundación Juana de Vega de facer o mellor plan posible”.
O presidente da Mancomunidade lembrou que “o ano pasado o noso plan estaba moi ben valorado tecnicamente e así nolo transmitiron tanto desde a Xunta de Galicia como desde a Secretaría de Estado de Turismo, e agora o que necesitamos é o apoio político. Así o trasladamos, que cada un no seu ámbito de influencia demande ese apoio. Ao final consiste en que os proxectos que saian de Galicia estean posicionados o máis arriba posible, e seguro que co apoio, porque a parte técnica está moi ben elaborada, da Xunta de Galicia e da Secretaría de Estado de Turismo poderemos contar para os anos 2022, 2023 e 2024 cuns recursos, cun plan definido e cunha estratexia turística nun ámbito que ten gran marxe de mellora na comarca e que nos permita crear postos de traballo e posicionarnos, e que recorden en todo o territorio nacional que Lugo ten unha costa marabillosa”.
Cajoto engadiu que “agora mesmo o que nos toca é traballar, preparar toda a documentación, enviala en tempo e forma, que temos ata mediados de maio para facelo, e agardar eses apoios para que desta vez saia o Plan de Desenvolvemento de Turismo Sostible para A Mariña e que o desfrutemos todos”.
A Mancomunidade de Concellos da Mariña Lucense que elaborara para a pasada convocatoria, coa axuda da Fundación Juana de Vega financiada polo goberno autonómico, un Plan de Sustentabilidade Turística por importe de 3 millóns de euros a desenvolver do 2021 a 2023, traballa en reactivar este plan que ten por obxectivo impulsar un desenvolvemento turístico sostible e rendible na Mariña Lucense cunha visión do turismo a longo prazo, poñendo en valor o seu patrimonio cultural e natural protexido, que permita á súa vez crear e consolidar produtos turísticos con recursos endóxenos e de calidade e que contribúa á desestacionalización, á redistribución dos fluxos turísticos e a cohesión territorial para frear a perda demográfica nas áreas rurais dos 16 municipios. Nese eido, trabállase en diferentes eixos estratéxicos que tratan á Mariña como un todo, sen localismos e coa implicación dos diferentes alcaldes, alcaldesas e responsables de turismo.
Os Plans de Sustentabilidade Turística son solicitados polas entidade locais. Neste caso será de novo a Mancomunidade quen fará a solicitude, que abarca todo o xeodestino, alentada e co apoio da Xunta de Galicia. Este Plan podería chegar a contar cun orzamento de 3 millóns de euros para un período de 3 anos (2022-2024). O Estado a través da Secretaría de Estado de Turismo financiaría o 40-45%, a Xunta de Galicia outro 40-45% e a Mancomunidade financiaría o 10-20% restante.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
