Alfoz, 20 de abril de 2021. O voceiro do Grupo Municipal do PP de Alfoz, Jacobo Geada, lamenta que “o goberno local non teña proxecto de futuro para Alfoz” porque, tal e como demostran as súas accións de goberno, “só sube as taxas aos veciños” que afectan “á súa capacidade económica” nun momento de especiais dificultades debido á crise derivada da pandemia e para a que “o goberno local non propuxo ningún tipo de medida de apoio aos afectados”.
Así o explica o popular tras coñecer que no pleno do vindeiro venres se debaterá a aprobación dunha nova ordenanza reguladora das taxas por servizos urbanísticos do Concello de Alfoz a proposta do equipo de goberno municipal. Isto suporá, segundo explica o voceiro do PP, “un desproporcionado incremento das taxas polos servizos técnicos e administrativos que deba realizar o Concello relacionadas con construcións, obras ou instalacións que os veciños queiran executar”.
O portavoz popular explica que “xa votamos en contra desta proposta na comisión especial de ordenanzas” e avanza que “dende o Grupo Municipal Popular volveremos a opoñernos á súa aprobación no pleno do venres por ser prexudicial para os veciños”. Geada deixa clara, deste xeito, “a desconformidade do Grupo Municipal Popular coa suba de taxas e impostos”.
O popular critica tamén que “o goberno local xustifique esta maior presión impositiva coa necesidade de compensar nas arcas municipais o gasto que supón o incremento salarial recollido na nova Relación de Postos de Traballo (RPT) do Concello”. O Grupo Municipal Popular tamén se opuxera a esta RPT que foi aprobada de forma definitiva o pasado 23 de marzo.
Para o voceiro popular é “inconcibible que o goberno municipal deixe de lado actuacións para que Alfoz manteña poboación; pero, en cambio, si realice actuacións que supoñen que os veciños paguen máis polos servizos que lles presta o Concello”.
Máis presión impositiva
Geada engade que “esta non é a primeira vez que o goberno local sube as taxas municipais. Xa o fixo coa taxa por expedición de documentos administrativos e outros servizos, coma certificados ou copias, que foi aprobada no pleno do 25 de setembro do 2020 tamén co voto en contra dos concelleiros do PP”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
