Santiago de Compostela, 11 de maio de 2021. A Federación de Servizos á Cidadanía de CCOO de Galicia denuncia o dispendio de recursos públicos no Instituto Enerxético de Galicia (INEGA) a través de encomendas de xestión «fraudulentas» que superan o medio millón de euros. O sindicato lembra que o Consello de Contas recomenda non empregar este sistema de contratación de servizos como medio recorrente para suplir as carencias de persoal propio.
No caso do INEGA, as encomendas de xestión empregan a 15 persoas, que case equivalen á metade das traballadoras e traballadores públicos con que conta o organismo público (33).
Segundo CCOO, estas encomendas de xestión son todas a través de TRAGSA e ascenden a 528.619,08 euros, cun custo medio por traballador ou traballadora de 35.241,27 euros. Desagréganse do seguinte xeito:
— Plan renove de electrodomésticos (antes facíase con persoal propio). Sete persoas durante cinco meses. Custo: 74.962,06 euros.
— Desenvolvemento e mantemento de aplicacións para a xestión de axudas. Catro persoas durante todo o ano. Custo: 173.598,74 euros.
— Control de certificacións enerxéticas de vivendas e aplicacións asociadas. Tres persoas durante todo o ano. Custo: 109.467,06 euros.
— Plan de axudas para a adquisición de vehículos (antes facíase con persoal propio). Tres persoas durante todo o ano. Custo: 75.546,66 euros.
— Apoio técnico para o desenvolvemento da Axenda Galega de Transición Enerxética 2021-2030. Dúas persoas. Custo: 95.044,56 euros.
Para a FSC-CCOO, estas prácticas demostran que o Goberno de Feijóo continúa «impulsando a súa propia Administración paralela», para o que se está a malgastar unha «inxente» cantidade de recursos públicos en prestar un peor servizo. Segundo o sindicato, se a Xunta de Galicia aumentase o persoal propio dos entes públicos, poderíase dar un servizo de maior calidade.
Por esta razón, CCOO pide a paralización das encomendas «fraudulentas» que obedecen a tarefas estruturais, e que os traballos correspondentes se asuman con persoal propio. O cadro de persoal necesario deberá ser incluído na primeira oferta pública de emprego.
Por último, o sindicato esixe negociar os criterios para regular as encomendas de xestión que obedezan «exclusivamente a traballos conxunturais que non poida facer persoal propio da Xunta».
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
