Burela, 19 de maio de 2021. Todo está listo para a celebración das XXVIII Xornadas Técnicas da Fundación Expomar e do XXVI Encontro Empresarial, que terán lugar os días 20 e 21 de maio respectivamente.
O presidente da Fundación Expomar e alcalde burelés, Alfredo Llano, dixo que “mañá vamos comezar unhas novas Xornadas Técnicas da Fundación Expomar. Son as número 28, xa unha boa cantidade de tempo na que se veñen tratando os temas do mar. Este ano leva o título de 2021: Odisea na pesca, que nos parece suxestivo dada a problemática a crise constante que está tendo sempre o sector náutico pesqueiro”.
O rexedor manifestou que “este ano non temos feira porque non se puido organizar esta exposición que era habitual facela cada 2 anos. A do 2019 foi unha edición para lembrar toda a vida porque foi unánime o parecer de todos os expositores sobre que mereceu moito a pena porque houbo moitas transaccións e contactos, polo que o rendemento foi grande. Polo tanto contábamos que este ano viñeran os mesmos expositores e xa tíñamos pensado incluso ampliar a superficie para poder acoller aínda a máis. Pero ao non poder facerse debido á pandemia, como todo o mundo sabe, dedicámonos a organizar unhas boas Xornadas Técnicas e un Encontro Empresarial para esta edición, que considero que teñen moito interese”.
Alfredo Llano relatou que “os que van falar son xente moi preparada para abordar temas referidos á náutica pesqueira. Entre eles hai representantes das tres administracións: a europea, pois participa Emilia Gargallo, que é a directora general de Asuntos Marítimos y de Pesca da Comisión Europea; a estatal, que está representada por Isabel Artime, que é a directora general de Pesca Sostenible do Ministerio de Agricultura, Pesca e Alimentación; e a clausura correrá a cargo de Rosa Quintana, a conselleira do Mar da Xunta de Galicia, que tamén está tendo moi boa implicación sempre con nós. E na parte empresarial contamos cunha persoa que representa moi ben a este sector, que é Javier Garat, o secretario xeral de Cepesca e presidente de Europêche”.
E engadiu que “como temos estas primeiras espadas para falar de diferentes temas, con diferentes ángulos e perspectivas, o que se trata é de informar e de ter un exemplo claro de atención ao sector náutico pesqueiro, para que encontre respostas e certeza, que gañe confianza, porque realmente agora hai cousas que preocupan. Por tanto eu penso que mañá nestas Xornadas Técnicas poden saír moitos temas importantes. Entre todos vamos facer o mellor posible para que dean o seu rendemento e desde logo saiamos satisfeitos de ter organizado estas xornadas 2021: Odisea na pesca. Todo isto vai estar moderado por Javier Fraga, que é o director de Abanca Mar”.
Llano explicou que “despois, ao día seguinte, vamos ter o Encontro Empresarial, que é algo tradicional tamén. Chega á edición número 26, vaise facer telematicamente e participarán moitas representacións do sector pesqueiro de Galicia e de Asturias. E a principal consecuencia desta cita sempre é as conclusións finais que se sacan, que son moi representativas das preocupacións do sector e que enviarán ás diferentes administracións (europea, estatal e galega). Así que é algo moi agardado por todos aqueles que teñen interese en saber como vai o tema da pesca ultimamente desde a perspectiva empresarial”.
O alcalde de Burela e presidente da Fundación Expomar agarda que “sexa unha boa iniciativa da Fundación Expomar, que non ten outra razón de ser máis que axudar dentro do posible ao sector náutico pesqueiro, e que estas dúas xornadas sexan moi beneficiosas para motivarnos e facer unha boa feira exposición no ano 2023”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
