16,30 h.- A conselleira de Medio Ambiente, Territorio e Vivenda, Ángeles Vázquez, reunirase coa alcaldesa de Viveiro, María Loureiro, para falar dos problemas que está a causar o lobo neste municipio.
foto xoán crespo
31/08/2021
Santiago de Compostela, 31 de agosto de 2021. A conselleira de Medio Ambiente, Territorio e Vivenda, Ángeles Vázquez, reuniuse esta tarde coa alcaldesa de Viveiro, María Loureiro, para falar dos danos ocasionados neste concello polos ataques protagonizados por lobos e as posibles solucións a adoptar fronte ao problema.
Neste sentido e tras lembrar que a futura xestión da especie depende da orde que tramita o Ministerio para a Transición Ecolóxica e o Reto Demográfico (Miterd), a conselleira emprazou á rexedora a sumar esforzos dentro da fronte común que lideran desde hai meses Galicia, Asturias, Castela e León e Cantabria co obxectivo de lograr que o Goberno central rectifique e dea marcha atrás neste asunto.
Tal e como lle trasladou a conselleira, a finalidade da devandita orde é incrementar o actual nivel de protección do lobo ibérico, o que impediría na práctica calquera acción de control cinexético sobre a mesma e “só empeorará a situación actual” en comarcas como A Mariña, unha das máis afectadas na Comunidade polos ataques desta especie.
Neste sentido, Ángeles Vázquez asegurou que comparte a preocupación dos veciños de Viveiro e da propia alcaldesa, razón pola que o seu departamento leva anos convocando de forma periódica sucesivas ordes de axudas dirixidas tanto a previr os danos causados polo lobo, como a paliar e indemnizar aos afectados polos seus eventuais ataques.
Sen embargo, insistiu en que se o Goberno central “segue ignorando” a opinión das comunidades lobeiras, que aglutinan o 95% dos exemplares desta especie e levan anos xestionando en solitario estas poboacións para garantir a súa coexistencia coa gandaría e o resto de actividades coas que comparten territorio, o problema agravarase e os eventuais danos causados por estes animais pasarán a ser imputables unicamente ao Estado, xa que as comunidades se quedarán sen capacidade de xestión.
Por todo o exposto, a conselleira animou á rexedora de Viveiro a implicarse activamente e amosar o seu apoio explícito á demanda da Xunta —avalada xa por outras 10 comunidades autónomas, concellos e as principais organizacións agrarias a nivel nacional e autonómico— e esixir a retirada inmediata da orde ministerial para a inclusión do lobo ibérico na Listaxe de especies silvestres en réxime de protección especial.
Unha proposta que fixo extensible, tamén, ao resto de rexedores da Mariña lucense, que coñecen desde o primeiro momento as repercusións que pode traer consigo a aprobación desta orde, así como o impacto económico e social que causa o lobo no sector primario.
Cómpre lembrar que a orde ministerial está pendente do ditame definitivo do Consello de Estado, un organismo que xa no mes de xullo e tras unha primeira revisión da documentación remitida polo Ministerio, amosou as súas dúbidas ao respecto de que o aumento da protección do lobo estea xustificada nos termos que propón o Goberno central.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
