el vicepresidente primero Alfonso Rueda y la conselleira do Mar, Rosa Quintana, presentan una campaña para impulsar el consumo de los productos del mar
Santiago de Compostela, 6 de agosto de 2021. O vicepresidente primeiro e conselleiro de Presidencia, Xustiza e Turismo, Alfonso Rueda, e a conselleira do Mar, Rosa Quintana, presentaron hoxe unha nova campaña da Xunta para a promoción dos produtos do mar co obxectivo de impulsar o consumo de peixes e mariscos entre a cidadanía. Esta acción, denominada GALICIA SABE AMAR, incide na importancia de comer peixes e mariscos e na gran variedade de produtos da máxima calidade que o complexo mar-industria de Galicia pon a disposición dos consumidores.
O vicepresidente primeiro da Xunta, Alfonso Rueda, destacou a capacidade do turismo para poñer en valor a calidade das materias primas da comunidade e incidiu en que a gastronomía é o segundo motivo, despois da natureza, polo que os turistas escollen Galicia. Por iso, salientou o potencial da enogastronomía para diversificar e desestacionalizar a oferta turística e contribuír a reforzar a mensaxe de Galicia como destino seguro, de calidade e sostible aproveitando a oportunidade que ofrece o mar tanto para facer turismo neste Xacobeo 21-22 a través da peregrinación por mar ou das distintas experiencias do turismo mariñeiro como para degustar os seus produtos.
A titular de Mar subliñou que este tipo de accións son máis importantes ca nunca en plena alerta sanitaria polo coronavirus, durante a que o sector viu como aumentaba a demanda de produtos do mar por parte dos fogares ao tempo que caía na hostalería e restauración -a canle Horeca- como consecuencia das distintas restricións aprobadas para frear a expansión da pandemia. Nesta liña, indicou que aínda que os índices de consumo de peixe por parte das familias galegas son bos en relación con outras comunidades, hai moita marxe de mellora neste eido.
Esta nova campaña, que dá continuidade a O noso mar, marca e O mar que nos move, está pensada e deseñada para chegar ao conxunto da cidadanía a través dos medios de comunicación convencionais e tamén das redes sociais. O obxectivo é incidir na importancia de consumir produtos do mar para ter unha alimentación saudable así como que mercar peixes e mariscos é unha decisión intelixente e algo que forma parte da identidade dos galegos.
A conselleira do Mar tamén destacou que esta acción pretende enxalzar a pesca como unha actividade sostible así como o importante labor que realizan os profesionais do mar para poñer os numerosos manxares que ofrece o medio mariño nas mesas de todos os galegos. Unha estratexia que enlaza coa campaña Merca produto fresco do mar. Estamos no mesmo barco, posta en marcha en 2020 e que animaba á sociedade a adquirir produtos pesqueiros para agradecer o esforzo do sector extractivo durante a crise do coronavirus.
Rosa Quintana asegurou que é vital que as administracións públicas fomenten o consumo de peixe e potencien a súa compra por parte da cidadanía pois terá beneficios tanto para o conxunto da economía como para a sociedade, mellorando a saúde dos consumidores. Nesta liña, subliñou que os produtos do mar son unha aposta segura e uns alimentos fundamentais para levar unha dieta saudable e equilibrada.
A campaña
GALICIA SABE AMAR pon o acento de maneira fresca e atractiva sobre a calidade e grande variedade de produtos do mar cos que conta Galicia, uns produtos moi desexados e que namoran aos consumidores. Neste sentido, enxalza a diversidade de produtos, formatos e posibilidades que ofrecen os peixes e mariscos da comunidade permitindo a elaboración de pratos da máxima calidade tanto nos fogares como nos restaurantes máis selectos.
Baixo esta acción global atópanse outras iniciativas de promoción máis específicas impulsadas pola Consellería do Mar como Fai click ao teu bocata ou Ti si que es un bo peixe -substitutas de O sabor da aventura está no mar e Ponlle as pilas ao teu bocata- dirixidas á poboación infantil e que xa chegaron a máis de 150.000 nenas e nenos galegos, ou Vai de peixe, deseñada para impulsar o consumo de produtos do mar entre os millennials e centrada principalmente nas redes sociais. A elas engádense outras como a marca de calidade pescadeRías, de onde se non? ou campañas puntuais para promocionar produtos de mar de tempada como o bonito do norte.
O acto de presentación de GALICIA, SABE AMAR contou coa participación dos responsables do deseño da campaña e estivo conducido polo actor e humorista galego David Amor. Ao evento acudiron distintos representantes do sector pesqueiro e marisqueiro, da industria de transformación de produtos do mar e das principais empresas de distribución alimentaria da comunidade.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
